Jatun sufrimientu këllachöna kaptinmi, nunakunata yachatsiqa alläpa precisan (Pr 24:11, 12, 20). Y yanapanapaqqa, JW.ORG tarjëtatam utilizashwan, këmi yanapanqa Internetchö päginantsikman yëkuyänampaq y Bibliata leyiyänampaq. Kë tarjëtakunapaqa juk cödigunmi kan, y tsëmi apakun, ¿Imanirtaq Bibliapita yachakunkiman? neq vidëuman, jina debaldilla Bibliata yachakunëkipaq mañakï neq invitacionmampis. Wakinkunaqa manam publicacionkunata chaskikïta munayantsu, peru jw.org päginantsikmanqa yëkïta munayanmi. Tsëmi kë tarjëtataqa qoshwanlla. Peru yachatsishqa wiyakïta mana munayaptinqa ama kë tarjëtakunata jaqipushuntsu.

Më tsëchö këkar y imallatapis rurëkarninqa, itsa Bibliapita yachakïta munariyänampaq kënö nirishwan: “Juk tarjëtata qararishqëki. Këmi Internetchö päginäkunaman yëkunëkipaq juk direccionta rikätsitsunki, tsechö tukïpita yachakunëkipaq, jina tukïläya vidëukunatam grätislla jorqëta puëdinki” (Jn 4:7). Kë tarjëtakuna ichikllanlla kayaptinmi, imëpis puritsita puëdinki më tsëchö këkarpis qarakurinëkipaq.