Noqantsikrëkur Jesus wanushqa kaptinmi llapantsik Teyta Diospa amïgun këta puëdintsik. Y mañakunqantsiktapis Jehoväqa wiyanmi (Sl 34:15; Jn 6:44).

Jehoväpa amïgun këta mana jaqinapaqqa, manam israelïtakunanöqa mana allikunata ruranantsiktsu. Jehovällata sirwiyänampaq änikushqa këkarnimpis, örupita juk wishita rurëkurmi adorar qallëkuyarqan (Ex 32:7, 8; 1Co 10:7, 11, 14). Këman pensarishun: “Mana alli rurëkunaman mana ishkinapaqqa, ¿imatatan rurashwan? Y ¿imata rurartan Jehoväta kuyanqantsikta rikätsikushwan?”. Jehoväta kuyarninqa, manam pë chikinqankunata rurashuntsu (Sl 97:10).

MANA ALLIKUNATA CHIKISHUN (COL 3:5), NEQ VIDEUTA RIKÄRIR KËNÖ TAPURI:

• ¿Imamantan chätsikun imatapis ërayëpa munëqa?

• ¿Imanirtan imatapis ërayëpa ashishwantsu y santukunata adorashwantsu?

• Casädu këkar jukwan oqllanakuyqa, ¿imanirtan santukunata adorë cuenta kanman?

• Carguyoq wawqikunaqa, ¿imanirtan warminkunawan mas tiempu kayänampaq kallpachakuyänan?