Alläpaqa parlëtsu. Qamlla llapanta entienditsinëkipaq kaqtaqa ama pensëtsu. Jesuspis tapukïkunatam utilizarqan nunakuna rasumpa kaqta cuentata qokuyänampaq (Mt 17:24-27). Tapukïta ruranqëkim yachatsikï mas shumaq kanampaq y estudiantikuna imata creyiyanqanta y yachatsikïta entiendiyänampaq yanapakun (be-S päg. 253 § 3, 4). Juk tapukïta rurarirninqa pacienciawan shuyarë estudiantiki contestarishunëkita. Respuestanta mana musyaptinqa ama willëtsu, tsëpa rantinqa juknöpa tapupäri, tsënöpam yanaparinki alli contestarishunëkipaq (be-S päg. 238 § 1, 2). Estudiantikita shumaq despaciulla parlapë, tsënöpa yachakïkanqanta alli entiendinampaq (be-S päg. 230 § 4).

Pantatsitsu. Yachakïkäyanqëkipita ama llapan musyanqëkitaqa willëtsu (Jn 16:12). Pärrafupa mas precisaq kaqninllapita yacharatsi (be-S päg. 226 § 4-päg. 227 § 1). Precisaq kaptimpis, llapan pärrafupitaraq parlëqa, yachatsikïnintam alleqllaqa entienditsikunmantsu (be-S päg. 235 § 3). Estudianti alleqna entiendishqa kaptinqa qateqnin kaq pärrafunmanna pasë.

Yachakïkäyanqëkillapita parlapë. Shonqunman yachatsikï chänanmi masqa precisan, manam lluta leyikunanllatsu (Lü 24:32). Diospa Palabranqa poderyoqmi, tsëmi cada yachatsikïpa precisaq kaq textunllata leyipunantsik (2Co 10:4; Heb 4:12; be-S päg. 144 § 1-3). Fäcil entiendinalla igualatsikïkunata utilicë (be-S päg. 245 § 2-4). Imaman creiyanqanta y imapa pasëkäyanqanta cuentaman churar estudiu biblicuta dirigi. Kënö tapukïkunata rurari: “¿Ima ninkitaq kanan yachakurinqëkipita? ¿Imatataq Jehoväpita yachatsimantsik? ¿Imanötaq yanapashunkiman yachakunqëkimannö ruranqëki?” (be-S päg. 238 § 3-5; päg. 259 § 1).