DIOS MUNANQANNÖ KAWANAPAQ
Juk wamra chaskimashqa
Yachatsikunapaq qayakurishqa juk wamra yarqaramuptinqa, teytankunapaq tapurishun, tsënöpam familianchö autoridäta respetëkäshun (Pr 6:20). Wayinman pasarinapaq niramashqaqa, manam ras yëkukïkushwantsu. Teytankuna yarqamïta mana puëdiyaptinqa, juk junaqchö kutirishun.
Wamrakuna jövinna kayaptimpis, mas alliqa kanman teytankunapaq tapurinqantsikmi. Teytankuna ocupädu këkäyaptinqa, tapurishwanmi imatapis leyiyänanta permitiyanqanta o mana permitiyanqanta. Imatapis leyiyänampaq permitiyaptinqa, juk publicaciontam jaqirapushwan o jw.org päginantsikman yëkuyänampaqmi yacharatsishwan.
Yachakïta munaq jövinta watukaq kutirninqa, teytankunata reqita munanqantsikta nirishun. Tsënöpam, imapaq watukëkanqantsikta willarita puëdishun y familiakunapaq Bibliachö shumaq consëjukuna kanqanta yacharatsishun (Sl 119:86, 138). Teytakunata precisaqpaq churashqa y respetashqaqa Diospaqmi, alli parlayanqa y Diospa alli willakïninta llapan familiata yachatsinapaqpis yanapamäshunmi (1Pë 2:12).