Jehoväqa wawqi panintsikkunawanmi yanapamantsik (1Pë 5:9). Pëkunaqa Diospita yachatsikunqantsikchömi yanapamantsik. Apostol Pablutapis Äquila, Priscïla, Sïlas y Timoteu cristiänukunam yanapayarqan (Hch 18:1-5).

¿Imanötan wawqi panikuna yanapamashwan? Pëkunaqa, mana wiyakuyta munayaptin imanö yachatsinapaq kaqta y pitapis watukaq kutirnin imata ruranapaq kaqtam yachatsimäshun, y pitapis Bibliata estudiatsir mas alli ruranapaqmi yanapamäshun. Pillatapis congregacionnikichö yanapashunëkipaq niri, tsëqa ishkëki yanapanakurmi kushishqa kayanki (Flp 1:25).

DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, JEHOVÄ YANAPAMÄNATA CHASKIKURMI: WAWQI PANINTSIKKUNA NEQ VIDEUTA RIKÄRIR, KË TAPUKUYKUNATA CONTESTË:

• ¿Imakunatatan Rïtaqa rurarqan reunionkunaman Rösa ëwanampaq?

• Bibliata estudiatsinqantsik nunakunamanqa, ¿imanirtan wawqi panikunata apashwan?

• ¿Imatan Rösata y juk edäna panita gustaq?

• ¿Imakunatatan wakin wawqi panikunapita yachakushwan nunakunata yachatsinqantsikchö?