Ichikllachöna Shumaq Patsachö kawakunapaq kaqtam noviembri killachö llapan nunakunata willashun (Sl 37:10, 11; Rev 21:3-5). Tsëpaqqa tiempuntsikta shumaq patsätsishun pï mëta yachatsir yanapakunapaq. Tsë killachöqa precursor auxiliar karqa 30 o 50 hörakunam Diospita yachatsikuyta puëdishun.

Shumaq Patsachö imanö kawakunapaq kaqta Bibliachö ninqanta pï më nunakunata leyipushun. Markantsikchö nunakuna imanö kayanqanta cuentaman churëkurmi, Bibliachö ima textuta leyipunapaq kaqta shumaq akrashun. Parlapar qallanqëkichö pipis yachakuyta mas munaptinqa 2021 wata 2 kaq Täpakoq revistan qarari (llapan nunakunapaq yarqamoq Täpakoq revista). Y ras watukaq kutishun, tsëpitana Kushishqa kawakushun neq follëtuwan Bibliapita estudiatsir qallashun. ¡Alli kawakunapaq kaqta willakuyqa alläpa kushikuypaqmi kanqa! (Is 52:7).

SHUMAQ PATSATAM SHUYAKUYKANTSIK VIDEUYOQ CANCIONTA RIKÄRIR, KË TAPUKUYKUNATA CONTESTË:

• Shumaq Patsachöqa, ¿imanö kawanampaq kaqmantan juk wamra pensëkan?

• Shumaq Patsachöqa, ¿ima cumplikänantatan masqa munanki?

• Shumaq Patsachö kawakunëkipaq kaqman yarpanqëkiqa, ¿imanötan yanapashunki noviembri killachö mas yachatsikunëkipaq? (Lü 6:45).