Höra höra llakikunqantsikqa manam mana allitsu. Llakishqa kanqantsikqa manam Jehoväman mana confiakunqantsiktatsu rikätsikun. Höraqa Teyta Jehoväpis llakishqam sientikun (Ge 6:5, 6). Peru ¿imatataq rurashwan alläpa llakishqalla imëpis kakurqa?

Jehoväta yanapamänapaq mañakushun. Llakikuy qeshyawan kashqaqa Jehoväqa noqantsikpaq yarpachakunmi. Pëqa llakishqa o kushishqa këkanqantsikta musyanmi. Y shonquntsikchö imata pensanqantsikta y munanqantsiktapis musyanmi (Sl 7:9b). Teyta Jehoväqa noqantsikpaq yarpachakurmi alläpa llakikushqa yanapamënintsikta puëdin (Sl 34:18).

Llakikuy qeshyakunapita cuidakushun. Alläpa llakikur o problëmantsikllaman pensarqa manam kushishqanatsu kashun y Jehoväta sirwinapaqpis manam gänasnintsik kanqanatsu. Tsëmi imapitapis masqa, imata pensanqantsikta y imanö sientikunqantsikta alli cuidanantsik (Pr 4:23).

DEPRESION QESHYAWAN KARPIS WAWQI PANINTSIKKUNAQA YAMËMI KAWAKUYAN NEQ VIDEUTA RIKÄRIR, KËKUNATA CONTESTË:

• ¿Imatataq Nikkiqa rurarqan depresion qeshyawan sufrirnin?

  Respuesta

• ¿Imanötan Nikkiqa cuentata qokurqan doctorman ëwëta necesitanqanta? (Mt 9:12).

  Respuesta

• ¿Imatataq Nikkiqa rurarqan Jehovä yanapanampaq?

  Respuesta