7-13 de octubri
SALMUS 92-95
84 kaq cancionta cantarirmi mañakushun | Imakunata yachakunapaq kaq (1 min.)
1. Jehoväta sirwinqantsikwanqa manam imapis igualantsu
(10 min.)
Jehovällam derëchuyoq adoranantsikpaq (Sl 92:1, 4; w18.04 päg. 26 pärr. 5).
Jehoväqa alli decidir kushishqa kanapaqmi yanapamantsik (Sl 92:5; w18.11 päg. 20 pärr. 8).
Edäyashqana kayaptimpis Jehoväqa manam sirweqninkunata qonqantsu (Sl 92:12-15; w20.01 päg. 19 pärr. 18).
KËMAN PENSË: ¿Imatan michëkäshunki Jehovällatana sirwinëkipaq änikurir bautizakunëkipaq?
2. Imakunata yachakunqantsik
(10 min.)
-
Sl 92:5. ¿Imanötan kë textuchö ninqanqa Jehovä yachaq kanqanta rikätsikun? (cl-S päg. 176 pärr. 18).
-
Kë semäna Bibliata leyir, ¿imakunatataq yachakurqunki?
3. Bibliata leyi
(4 min.) Sl 94:1-23 (th 5 kaq yachatsikï).
4. Parlapar qallanëkipaq
(4 min.) MËCHÖ KËKARPIS YACHATSIKUR. Parlapanqëki nunata o warmita Bibliapita yachatsikunqëkita willëta procurë (lmd 5 kaq yachakunapaq kaqchö 3 kaq).
5. Watukaq kutinëkipaq
(3 min.) MËCHÖ KËKARPIS YACHATSIKUR. Unë yachakuyta mana munashqa karpis, masllata yachakuyta munaq nunata o warmita Bibliapita yachatsinëkipaq niri (lmd 8 kaq yachakunapaq kaqchö 4 kaq).
6. Bibliapita yachatsinëkipaq
(5 min.) Bibliapita yachakuykarpis Jehoväwan amïgu kanampaq mana kallpachakoq nunata o warmita cläru parlapë (lmd 12 kaq yachakunapaq kaqchö 5 kaq).
5 kaq canciontam cantashun
7. Jövinkunapis llakikuyan o yarpachakuyanmi
(15 min.) Wiyaqkunapis parlakarayämunqam.
Jehoväta sirweqkunapis llakikuntsik o yarpachakuntsikmi. Davidpis höra höraqa llakikurqanmi y yarpachakurqanmi, y tsënömi atskaq wawqi panikunapis sientikuyan (Sl 13:2; 139:23). Jövinkunatapis tsënömi pasan. Höraqa imapaqpis llakikuyaptin o yarpachakuyaptinmi, escuëlata o reunionman ëwayänampaqpis fäciltsu. Höranam imatapis alläpa mantsayan o wanutsikuytapis munayan.
Imapaqpis alläpa llakikur o yarpachakurqa, papänikikunawan o Diosta alli sirwikaq wawqiwan o paniwan parlë. Yanapashunëkipaq Jehoväman mañakuy (Flp 4:6). Pëqa imëpis yanapashunkim (Sl 94:17-19; Is 41:10). Steing jövinpita yachakuy.
Jehoväqa noqapaq yarpachakunmi neq VIDEUTA rikärir, këkunata tapuy:
• ¿Bibliachö ima textutan Steing jövinta yanaparqan y imanir?
• ¿Imanötan Jehoväqa cuidarqan?
Papäkuna, wamrëkikunata yanapayë mana alläpa llakikuyänampaq o yarpachakuyänampaq. Pacienciawan wiyayë, kuyayanqëkita niyë y Jehovä kuyanqanta següru kayänampaq yanapayë (Tït 2:4; Snt 1:19). Jehoväqa mas alli sientikuyänëkipaq y kallpayoq kayänëkipaqmi yanapayäshunki, tsëmi pëman confiakuyänëki.
¿Congregacionnikichöqa kanku alläpa llakishqa o yarpachakushqa këkaqkuna? Mana musyashqapis capazchi pillapis tsënö këkan. O capazchi musyanki pillapis tsënö këkanqanta, peru imanö sientikunqanta entiendita puëdinkitsu. Imanö kaptimpis, alli sientikuyänampaq y kuyanqëkita musyayänampaqmi llapankunata shumaq tratanëki (Pr 12:25; Heb 10:24).
