Këchöqa Pablu nirqan Tïtuwan jövin kaqkuna, ‘imëka alli kaq rurëkunachö’ kallpachakur sïguiyänampaqmi (Tït 2:6, 7). Tsëpitanam Jehoväpa markanchö mana alli rurëkuna manana kanampaq kaqta nirqan, tsënöpa gänas gänaslla “imëka alli rurëkunata” rurayänampaq (Tït 2:14). Diospa Gobiernumpita willakoq ëwanqantsik y yachatsikunqantsikmi juk alläpa alli rurënintsikqa. Jövin, ¿puëdinkiku Diospita maslla yachatsikïta? (Pr 20:29).

Diospita maslla yachatsikïta munarqa, imakunata ruranëkipaq kaqtam alli patsätsinëki (Lü 14:28-30). Puntataqa Jehovämanmi mañakunëki, y kë tapukïkunamanmi pensanëki: ¿imanöraq precursor karninqa mantenikushaq? ¿Imataraq ruräman hörakunata cumplinäpaq? (Sl 37:5). Teytëkikunawan y unëpana precursor kaqkunawan tsë asuntupita parlayë. Tsëpitana precursor kanëkipaq imëkanöpa kallpachakï. Yarpë, Jehoväqa precursor kanëkipaq llapan ruranqëkichömi yanapashunki.

DIOSTA ALLI SIRWEQ JOVINKUNA NEQ VIDEUTA RIKÄRIR, KË TAPUKÏKUNATA CONTESTARIYË:

• Wakin Diosta sirweqkunaqa, ¿imakunapataq pasayarqan precursor kayänampaq, y imatataq rurayarqan?

• ¿Imanötaq teytakunaqa wamrankunata yanapayan precursor kayänampaq?

• ¿Imanötaq tiempuntsikta alli patsätsishwan Diospita yachatsikunapaq?

• ¿Imanötaq wakin wawqikuna y panikunaqa precursorkunata yanapayanman?

• ¿Imanötaq maslla yachatsikuyänampaq kallpachakoqkunaqa sientikuyan?