WAKINKUNAQA NIYAN religionkunataqa nunakuna yuritsiyämunqantam. Wakinnam pensayan, tukï religionkunataqa kikin Dios patsätsinqanta, tsënöpa nunakuna pëman witiyänampaq. ¿Y qamqa ima ninkimanraq?

BIBLIA YACHATSIKUNQAN

Kanmi “Dios Yaya munashqanno rasonpa alli caq relijionqa” (Santiägu 1:27). Tsëmi rasumpa kaq y alli kaq religiontaqa kikin Dios patsätsishqa.

¿IMA MASTATAQ BIBLIA YACHATSIKUN?

• Diospaq alli kaq religionqa, Biblia rasumpa kaqta yachatsikunqannömi kanan (Juan 4:23, 24).

• Nunakunapa pensëninkunallata yachatsikoq religionkunaqa, manam imapaqpis väliyantsu (Marcus 7:7, 8).

¿IMA NINKIMANRAQ?

• Awmi

• Manam

• Itsapis

BIBLIA YACHATSIKUNQAN

“Y jucnintsic jucnintsic yanapanacur cuyanacur alli rureta tïrashun. Diosta alabanantsic wayicho imepis ellucashun ama waquincunanoqa mana ewashpa quecashuntsu” (Hebrëus 10:24, 25). Diosqa munan sirweqninkuna alli patsätsishqa grüpunö juntakäyänantam.

¿IMA MASTATAQ BIBLIA YACHATSIKUN?

• Diosllata adoraqkunaqa juknöllam creyiyänan (1 Corintius 1:10, 11).

• Dios chaskinqan religionchö cristiänukunaqa entëru Patsachömi juk familianölla kayan (1 Pëdru 2:17).