Llapantsikmi wanuntsik. Tsëmi kënö tapukuntsik: ¿Wanïllawanku chipyëpa ushakärintsik? ¿Diosqa wanushqakunata qonqëkushqaku? ¿Imëllapis kawariyämunqatsuraq?

DIOSQA MANAM WANUSHQAKUNATA QONQËKUSHQATSU

“Sepultürakunachö llapan këkaqkunam qayakunqanta wiyayanqa y yarqayämunqa” (Juan 5:28, 29).

Diospa yarpëninchö këkaq wanushqa nunakunaqa kawariyämunqam.

WANUSHQAKUNAQA KË PATSACHÖMI KAWARIYÄMUNQA

‘Alli kaqta ruraqkuna y mana allita ruraqkunam kawariyämunqa’ (Hëchus 24:15).

Waranqëpayan nunakunam kawariyämunqa, y pëkunaqa mana wanushpam kushishqa kawakuyanqa.

WANUSHQAKUNAQA RASUMPAM KAWARIYÄMUNQA

Diosqa “qoyllurkunatapis yupanmi, y cada ünutam jutinkunapa qayan” (Salmus 147:4).

Llapan qoyllurkunata jutipa qayëkarninqa, Diosqa llapan kawaritsimunampaq kaq nunakunapa jutinkunata yarpanqam.