Teyta Diosqa yanapamënintsiktam munan
BIBLIACHÖQA alli consëjukunatam tarintsik, y kë libruqa Teyta Diospa Palabranmi. Bibliaqa manam jampi asuntukunapaq parlaq librutsu. Peru tsënö karpis, alläpa llakikunqantsik höra mana alläpa yarpachakunapaq, mana allikunata mana pensanapaq y ima qeshyawan kashqapis imata ruranapaq kaqtam nimantsik.
Bibliachöqa yachakuntsik Kamamaqnintsik Jehovä a Diosqa imata pensanqantsikta y imanö sientikunqantsikta pipitapis mas musyanqantam. Diosqa mana allikunapa pasanqantsik höram läduntsikchö këkan y cuidamënintsiktam munan. Bibliachö këkaq kë ishkan textukunam yanapamäshun.
“Teyta Jehoväqa alläpa llakishqa këkaqkunapa lädunchömi këkan. Llakishqa kar ima rurëtapis mana puëdeqkunatam yanapan” (SALMUS 34:18).
“Noqa Jehovä Diosnikikunaqa, derëcha makikikunapitam qamkunata tsarëkä. Noqam qamkunata kënö nï: ‘Ama mantsakäyëtsu. Noqam yanapayashqëki’” (ISAÏAS 41:13).
Tsëqa, ¿imanötan alläpa llakikurnin qeshyashqa Jehovä yanapamäshun? Kë Täpakoq revistata leyirmi yachakunki Jehovä Dios kuyamarnintsik yanapamënintsikta munanqanta.
a Jehoväqa Teyta Diospa jutinmi (Salmus 83:18).
