Nuëva Zelanda nacionchö juk panim, Preocupémonos unos por otros neq videuta rikarqan. Tsëta rikarmi cuentata qokurqan Jehoväqa llakipäkoq y yanapakoq kanqanta (Is. 63:7-9). Tsëmi pëqa pillatapis yanapanampaq kallpachakurqan. Tsëpitanam rantipakoq yarqurqan, y cällichö päraq juk warmitam mikuynin rantipunampaq änirqan. Tsë warmiqa kushikurqanmi. Tsënam panintsikqa mikuywan kutirninqa, ¿Imëllapis manana sufrir kawakushuntsuraq? neq tratäduwan Diospita yachatsirqan.

Tsë warmiqa waqarmi qallëkurqan. Wamra kanqampita Jehoväta reqishqa kanqanta y unëpana Jehoväpita karupakashqa kanqantam willarqan. Y Jehovätash mañakuykänaq yapë sirwinanta permitinampaq. Tsëmi panintsikqa juk Bibliata qararqan, y Bibliapita yachakuyänampaqmi quedayarqan. a

Jehovänömi noqantsikpis nunakunata llakipänantsik, familiantsikkunata y congregacionchö wawqi panintsikkunatapis. Y juknöpaqa llapan puëdinqantsikmannömi Diospita yachatsikur sïguinantsik.