¿Ultimu yarqamoq Täpakoq revistakunata leyirqunkiku? ¿Puëdinkimantsuraq kë tapukuykunata contestëta?

¿Imanötan Jehoväqa warmikunata valoranqanta rikätsikun, y imatataq yachakuntsik?

Jehoväqa manam ollqullatatsu kuyan, sinöqa warmitapis y ollqutapis igualpam kuyan. Warmikuna pëman mañakuyanqantaqa wiyanmi y musyanmi imanö sientikuyanqanta y ima problëmakunapa pasayanqanta. Y yachatsikuyänampaq mandanqankunata alli cumpliyänampaq kaqmanmi confiakun (w24.01, päginakuna 15 y 16).

¿Imanötan cäsukushwan Efesius 5:7 textuchö, “ama pëkuna rurayanqanta rurayëtsu” neq consëjuta?

Apostol Pablum consejamarquntsik Diosta mana cäsukoqkunawan mana juntakänapaq, pëkunawan juntakashqaqa manam fäciltsu kanqa Diosnintsik mandakunqanta cäsukunantsik. Tsënöllam, Diosta mana cäsukoqkunawanqa ni Internetpapis juntakänantsiktsu (w24.03, päginakuna 22 y 23).

¿Imakunata willakuyanqampitataq o imata yachatsikuyanqampitataq cuidakushwan?

Alliraq mana musyapakur amïguntsikkuna mandamanqantsik mensäjikunapita, mana reginqantsik nunakuna mandamanqantsik correukunapita y yachakuyta munaqnölla Diospa contran churakashqakuna yachatsikuyanqampitam cuidakunantsik (w24.04, pägina 12).

Gobernanti Salomonta, Sodöma y Gomörra markakunachö y Diluviu witsanchö wanoq nunakunata Jehovä imanö juzganampaq kaqkunapitaqa, ¿imatataq musyantsik y imatataq musyantsiktsu?

Manam musyantsiktsu tsë nunakunata, manana kawariyämunampaq Jehovä ushakätsishqa kanqanta, peru tsë nunakuna imanö kayanqanta Jehovä musyanqanta y llakipäkoq kanqantaqa musyantsikmi (w24.05, päginakuna 3 y 4).

¿Imanirtan nintsik Jehoväqa tsapämaqnintsik ‘qaqa cuenta’ kanqanta? (Deut. 32:4).

Jehoväqa tsapäkoq qaqa cuentam, tsëmi tsapämänapaq pëman ëwëta puëdintsik. Confiakuypaqmi, änikunqankunataqa imëpis cumplinmi. Manam imëpis cambiantsu ni decidinqankunatapis manam cambiantsu (w24.06, päginakuna 26 a 28).

¿Imatataq rurashwan juk congregacionman pasakur fäcil-lla yachakänapaq?

Unë sirweqninkunata yanapanqannölla noqantsiktapis Jehovä yanapamänapaq kaqmanmi confiakunantsik, manam mushoq congregacionnintsikta unë kaq congregacionnintsikwan igualatsinantsiktsu, këkanqantsik congregacionchömi yanapakur qallanantsik y wawqi panikunawanmi amïgu këta procuranantsik (w24.07, päginakuna 26 a 28).

¿Imatataq yachakuntsik Mateu librupa 25 kaq capïtulun willakunqan kima igualatsikuykunapita?

Üshakunapaq y cabrakunapaq igualatsikuykunaqa entienditsimantsik, Diosnintsikta mana dejëpa sirwinapaq y cäsukoq kanapaqmi, 10 shipashkunapaq igualatsikuynam entienditsimantsik imëpis alkäbu alkäbu y listu këkänapaq, y talentukunapaq igualatsikuynam entienditsimantsik alli trabajador kanapaq (w24.09, päginakuna 20 a 24).

Salomon ruratsinqan templuman yëkuna pasadïzupa altunqa, ¿ëka metrutan karqan?

Unë qellqayanqan copiakunachöqa, 2 Crönicas 3:4 textuchö “120 cödus” ninmi, tsënö karqa 53 metruschi altun karqan. Peru confiakuypaq wakin copiakunachöqa “20 cödus” ninmi. 20 cödus karqa 9 metruschi altun karqan. Templu perqapa anchun ëka kanqanta cuentaman churayaptinqa, 20 cödus ninqanwanmi masqa igualan (w24.10, pägina 31).

¿Ima ninantan siervu ministerialkunaqa “juk warmiyoqlla kayätsun” ninanqa? (1 Tim. 3:12).

Siervu ministerialkunaqa casädu karqa, juk warmiyoqllam kayänan y manam jukwan jukwan kakuyänantsu. Ni manam juk warmikunata enamorëpa parlapäyänantsu ni atiendipäyänantsu (w24.11, pägina 19).

¿Imanötan musyantsik Juan 6:53 textuchö Jesus parlarqa, Señorpa Cënanta patsätsinampaq kaqman pensëkur mana parlëkanqanta?

Juan 6:53 textuchöqa Jesus nirqan, cuerpunta mikuyänampaq y yawarninta upuyänampaqmi, y tsëtaqa pëman mana markäkoq mëtsika judïukunatam 32 wata Galilëa markachö parlaparqan. Peru tsëpita juk wata pasariptin Señorpa Cënanta patsätsinqanchöqa, ciëluman ëwaqpaq kaqkunallatam Jerusalenchö parlaparqan (w24.12, päginakuna 10 y 11).