Japallantsik Bibliata estudianapaqqa, höraqa manam fäciltsu kanman tiemputa rakiqa. Tsëqa, ¿imanötan patsätsinqëki tiemputa alli provechankiman? Manam mëtsikataraqtsu leyinëki, sinöqa ichikllata leyirpis imanö yanapashunëkipaq kaqmanmi alli pensanëki.

Imakunata mas puntaman churanëkipaq kaqkunata rurë (Efes. 5:15, 16). Këkunata ruranqëkim yanapashunki:

• Bibliata cada junaq leyi (Sal. 1:2). Allichi kanman semänachö kaq reunionchö leyinapaq akrayanqan capïtulukunata leyinqëki.

• Puntallapitana semänachö kaq reunionchö yachakunëkipaq alistakuy y tsënölla Täpakoq revistapita alli yachakuy. Tsënö ruranqëkiqa reunionchö parlakunëkipaqpis yanapashunkim (Sal. 22:22).

• Maslla yachakunëkipaq tiempuykita rakirpis, jw.org päginachö tsëllaraq yarqamoq revistakunata, videukunata y maskunata leyinëkipaq y rikänëkipaq churapakë.

• Imapita yachakunëkipaq kaqta patsätsi. Capazchi problëmapa pasanqëkipita, ima tapukuypita musyëta munanqëkipita o mëqan textuta maslla entiendita munanqëkipita maslla yachakurinkiman. Tsëpaqqa, jw.org päginachö “Actividades para estudiar la Biblia” neqta ashiri.