¿Shumaq yachakurku leyirqunki tsëllaraq yarqamoq Täpakoq revistakunata? ¿Puëdinkimantsuraq kë tapukïkunata contestëta?

¿Imakunataq mas alli cantanapaq yanapamäshun?

Shumaq shäkunqantsik, alleq shütanqantsik, shimintsikta alleq kichanqantsik y fuertipa cantanqantsikmi (w17.11, pägina 5).

¿Imatataq yachakuntsik Israelchö escapayänan markakuna më sitiukunachö këkäyanqampita y tsëman ëwaq näni imanö kanqampita?

Israelchöqa joqta escapayänan markakunam karqan, y tsë markaman ëwaq nänikunataqa alli altsashqatam katsiyaq. Tsëqa alläpam yanapakurqan, accidentipa wanupakoq nuna tsëman ëwar salvakunampaq (w17.11, pägina 14).

¿Imanirtaq salvamänapaq Jesus wanunqanqa imawampis mana igualaq qarë?

Porqui tsërëkurmi wanïpita y jutsapita librakïta puëdintsik, y mana wanushpa kawakïtapis. Diosnintsikqa Adanpa mirëninkunata kuyanmi, tsëmi jutsasapa këkäyaptimpis Tsurin Jesus wanunanta permitirqan (wp17.6, päginakuna 6 y 7).

¿Imanirtaq nintsik Salmus 118:22 textuqa Jesus kawarimunqanchö cumplikanqanta?

Jesustaqa despreciayarqan y wanutsiyarqanmi. Y ‘esquïnachö precisaq rumi tikranampaqqa’ kawarimunanran precisarqan (w17.12, päginakuna 9 y 10).

Juk nunapa kastampita Mesïas yurinampaqqa, ¿punta kaq tsuri këraqku precisarqan?

Juk nunapa kastampita Mesïas yurinampaqqa, manam punta kaq tsuri këraqtsu precisarqan. Porqui Mesïaspa unë awilunkunapita wakinqa, manam punta kaq tsuriraqtsu kayarqan. Y tsëtaqa judïukunapis alleqmi musyayarqan, tsëmi Jesëpa menor kaq tsurin Davidpa kastampita Mesïas yurinanta shuyaräyarqan (w17.12, päginakuna 14 y 15).

¿Bibliaqa salornintsikta imanö cuidanapaq kaqta musyatsimantsikku?

Moises qellqanqan Leychöqa mandakoq, qeshyëkaqkuna 40 junaq karuchö kayänampaq, wanushqata yatarqa paqakuyänampaq, ismaninkunata pampayänampaq y wamrakunata yurinqampita puwaq junaqtaraq penqëninkunachö señalayänampaqmi. Yurinqampita juk semäna pasariptinraqmi, wamrapa yawarninqa entëru cuerpunman ëwar qallëkun (wp18.1, pägina 7).

¿Imanirtaq nintsik kikintsikta kuyakunqantsikqa allilla kanqanta?

Nuna mayintsiktaqa kikintsiktanömi kuyanantsik (Mar. 12:31). “Qowakunaqa kikinkunapa cuerpunkunatanö[mi] warminkunata kuyayänan” (Efes. 5:28). Tsënö kaptimpis, kikintsikllata alläpa kuyakunqantsikqa mana allim kanman (w18.01, pägina 23).

¿Imatataq ruranantsik Diosnintsik munanqannö pensaq nuna kanapaq?

Diospa Palabrantam alleq estudianantsik, yachakunqantsikmanmi alleq pensanantsik, Biblia ninqannömi kawanantsik, santu espïritu y wakinkuna yanapamänatam jaqinantsik y agradecikunantsik (w18.02, pägina 26).

¿Imanirtaq allitsu kanman astrologïawan y adivinacionwan ima pasanampaq kaqta musyanantsik?

Tukïrëkurmi, peru masqa tsë rurëta Biblia prohibiptinmi (wp18.2, päginakuna 4 y 5).

Pipis invitamashqa ëwanapaq änishqana këkarninqa, ¿imatataq ruranantsik?

Ëwanapaq änishqana karninqa cumplinantsikmi (Sal. 15:4). Y manam imapis mana precisaq asunturëkurllaqa fallanantsiktsu. Porqui mana ëwarqa ardëllam afanakatsishun y gastakatsishun (w18.03, pägina 18).

¿Imatataq congregacionchö carguyoqkuna Timoteupita yachakuyanman?

Timoteuqa wakinkunapaqmi alläpa yarpachakurqan, Diospaq rurëkunatam mas precisaqpaq churarqan, alleqmi yanapakurqan, yachakunqannömi kawarqan, Diospitam mas yachakurqan y espïritunwan Jehovä yanapanantam permitirqan. Pëpitaqa llapantsikmi yachakïta puëdintsik (w18.04, päginakuna 13 y 14).