Mëtsikaq wawqi panintsikkunam reunionchö yachakunantsikpaq yachatsikuykunata JW Librarychö^® utilizäyan. Tsë yachatsikuykunata raslla o saslla tarita puëdiyanqantaqa alläpam gustayan. Peru Täpakoq revistachöqa mas yachatsikuykunapis yarqamunmi, y tsëkunatapis yachakuytaqa alläpachi munanki. Peru ¿imanötan tarinkiman?

• Täpakoq revistapita yachakunapaq tïtulu jawanchömi “Otros artículos” neq këkan y tsë jawanchönam “Contenido de este número” neq këkan. “Contenido de este número” neqman lapiriptikim, Täpakoq revistachö yarqamoq llapan yachatsikuykuna yurimunqa. Reunionchö yachakunapaq kaqkunaqa nümeruyoqmi këkan, peru reunionchö mana yachakunapaq kaqkunapaqa manam nümerun kantsu. Y tsëchömi mëqantapis leyita munanqëkita akrëta puëdinki.

• Täpakoq revistachö yarqamoq wakin yachatsikuykunataqa juknöpaqa tarita puëdinki JW Librarychö “Lo nuevo” neqchömi, tsëtaqa rikëta puëdinki JW Libraryta kicharirllam. Tsëchömi reunionkunachö yachakunapaq Täpakoq revistata descarguëta puëdinki. Y tsë descarganqëkita kicharirnam rikärinki tsë Täpakoq revistachö yarqamushqa llapan yachatsikuykunata, y tsëchömi leyita puëdinki.