Estudiar qallarqa capazchi kënö pensashwan: “¿Imakunatataq yachakuyta munä?”. Imata yachakuyta munanqantsikta musyarpis, mana musyanqantsik kaqkunata yachakunapaqmi listu këkänantsik. Peru tsëpaqqa, ¿imatataq rurashwan?

Entiendinëkipaq Jehoväman mañakuy. Ama musyanqëkikunallawanqa conformakuytsu (Prov. 3:5, 6). Jehoväta mañakuy, yachakunëkita munanqan tëmakunata entienditsishunëkipaq (Sant. 1:5).

Diospa Palabran yanapashunëkita permiti. ‘Teyta Diospa palabranqa kawëkanmi’ (Heb. 4:12). Bibliata cada leyirmi maskunata yachakuyta puëdintsik, peru tsëpaqqa, masllata yachakuyta munarmi leyinantsik.

Yachatsishunqëkipita Jehoväta agradecikuy. Diosnintsik yachatsimanqantsikqa, mishkeq mikuynömi (Is. 25:6). Tsëmi mana gustashunqëki tëmakunataqa dejarinëkitsu, dejarinëkipa rantinmi gänaswan yachakunëki. Tsënö ruraptikiqa yachakunqëkiqa yanapashunkim, y mishkeq mikuynömi gustashunki.