Mana allikunata rurayaptin Josë imanö tsarakunqanta musyanëkipaq leyi Genesis 37:23-28; 39:17-23 textukunata.

Puntata y tsëpita pasakunqanta musyapakuy. ¿Imanirtan Josëqa mana allikunapa pasarqan? (Gen. 37:3-11; 39:1, 6-10). ¿Ëka watakunapatan mana allikunata aguantarqan? (Gen. 37:2; 41:46). Tsënö aguantar kanqan tiempuchöqa, ¿imatataq Jehoväqa Josëpaq rurarqan, peru imatataq rurarqantsu? (Gen. 39:2, 21; w23.01 17 pärr. 13).

Masllata musyapakuy. Bibliachöqa manam nintsu Potifarpa warmin acusaptin Josë defendikushqa kanqanta. ¿Imanir-raq mana defendikunampaq decidirqan? (Igualaratsi Proverbius 20:2 y Hëchus 21:37 textukunawan). Bibliachöqa ¿imanirtan llapan pasakunqanta willakuntsu? (Igualaratsi Juan 21:25 textuwan). ¿Imanö kanqantan Josëta yanaparqan mana allikunata rurayaptimpis aguantanampaq? (Miq. 7:7; Lüc. 14:11; Sant. 1:2, 3).

Pensë imata yachakunqëkiman y imanö ruranëkipaq kaqta. Këman pensë:

• “¿Imakunaparaq pasashun Jesuspa qateqnin kanqantsikpita?” (Lüc. 21:12, 16, 17; Heb. 10:33, 34).

• “Mana allikunata rurar sufritsimashqapis, ¿imakunaraq yanapamäshun alli tsarakunapaq?” (Sal. 62:7, 8; 105:17-19; w19.07 2-7).