Bibliata estudiarqa, ¿alliku yachakuykanki? Këkunata ruranqëkim yanapashunki mas alli yachakunëkipaq:

• Juk shumaq sitiuta ashi. Puëdirninqa alli churapakushqa limpiu sitiuta y alli atsikyaq sitiuta ashi. Juk escritoriuchö o juk mësachö yachakuy. Wayichö yachakuyta mana puëdirqa juk tranquïlu sitiuta ashi.

• Japallëki estudianëkipaq sitiuta ashi. Jesusqa “manaraq patsa atsikyaptin tempränulla sharkurmi, tsunyaq sitiuman ëwar Teyta Diosman mañakurqan” (Mar. 1:35). Japallëki yachakunëkipaq sitiuta mana tarirqa, wayichö kaqkunata o familiëkita niri büllata mana rurayämunampaq.

• Ama imapis pantatsishunëkita permititsu. Estudianëkipaq celularnikita o tablëtëkita utilizarqa, mensäjikuna chämur mana pantatsishunëkipaq “silenciar” neqman o “modo avion” neqman churari. Estudianqëki höra imatapis ruranëkipaq yarparqa, estudiëta usharir-raq ruranëkipaq apuntari. Y Janan janan yachakuykanqëkita cuentata qokurqa, sharkurnin juk rätu puri o sutapäkuy.