Bibliachöqa Eclesiastes 5:8 kënö nin: “Jinantinchö waktsakunata alläpa jipatsiqta rikar o mana alli autoridäkunata rikar ama espantakïtsu. Autoridäkuna tsënö mana allikunata rurayan mas puëdiq kaq autoridäkuna pëkunaman qaqäyaptinmi. Y tsë puëdiq autoridäkunamanpis mas mandakuq autoridäkunam qaqäyan”.

Bibliachö ninqanqa, Patsachö autoridäkuna imanö kayanqantam cläru rikätsikun. Tsënö kaptimpis Jehovä imanö kanqanman pensanqantsikmi shoqamantsik y yamë kanapaq yanapamantsik.

Eclesiastes 5:8 willakun juk autoridä waktsakunata mana allipa tratanqantam. Kë nunaqa musyanmi pëpitapis mas autoridäyoq nunakunapa mandädunchö kanqanta. Awmi, autoridäkuna llapampis mana allilla kayaptinmi nunakunaqa sufriyan.

Peru imëka mana allikuna pasamashqapis Jehoväqa llapan autoridäkuna rurëkäyanqantam rikëkan. Tsëmi pëman mañakunantsik y llapan llakikunqantsiktapis willanantsik (Sal. 55:22; Filip. 4:6, 7). Awmi, “TEYTA DIOSQA kë patsachö llapan nunakunatam rikëkan llapan shonqunwan pëman markäkuqkunata yanapananpaq” (2 Crön. 16:9).

Eclesiastes 5:8 ninqanqa yarpätsimantsik Jehovälla llapampitapis mas puëdeq y autoridäyoq kanqantam. Kanan tiempuchöqa tsurin Jesucristutam Gobiernunchö mandakamunampaq churamushqa. Jehoväqa llapanta puëdeq këkarpis alli kaqtam nunakunapaq munan, tsënöllam tsurin Jesucristupis.