Alli yachakunapaq
Wamrakuna y jövinkuna mas yachakuyänampaq
Teytakunaqa wamrankunata Jehoväpita yachatsiyänampaqmi kallpachakuyänan (Efes. 6:4). Y teytakunata yanapayänampaqmi Jehoväpa sirweqninkunaqa, mëtsika yachatsikuykunata Internetman churayämushqa. ¿Imanötan teytakunaqa tsëkunata utilizäyanman?
Wamrakunapaq y jövinkunapaq yachatsikuykunata ashi; jw.org päginachömi tarinki videukunata y qellqayänampaq y dibujayänampaq kaqkunata. a Tsëkunata tarinëkipaqqa, yëkuri “Bibliachö ima ninqan” neqman, tsëpitana “Wamrakunapaq” o “Jövinkunapaq” neqman.
Wamrëkita yanapaq yachatsikuyta ashi; tsëpaqqa wamrëkita mas yanapanampaq kaqta cuentaman churarnin, “Wamrakunapaq” neqchö ashiri. Tsëpitana, “Ideas para la adoración en familia” neqman yëkuy.
Yachakuyanqëkipita wamrëkikunawan parlayë. Ama videukunata y wakin kaqkunatapis utilicëtsu wamrëkikuna kushishqa kayänanllapaqqa. Tsëpa rantinqa, wamrëkikunata yachatsi y Jehoväpa amïgun kayänampaq yanapë.
a JW Librarychöqa® wamrakunapaq y jövinkunapaq llapan videukunatam tarinki, peru qellqayänampaq y dibujayänampaq kaqkunataqa wakinllataran tarinki.