¿Yarpankiku?

¿Shumaq yachakurku leirqunki tsëllaraq yarqamoq Täpakoq revistakunata? ¿Puëdenkimantsuraq kë tapukïkunata contestëta?

¿Imachötaq Sansonpa kallpan karqan?

Sansonpa kallpanqa manam aqtsanchötsu karqan, sinöqa nazareo kaptin Jehoväwan amigo kanqampitam karqan. Sansonpa aqtsanta Dalila ruturatsiptinmi, Jehoväwan amigo kënin perdikärirqan (15/4, 9 kaq página).

Bibliachö parlanqan shonquta y cuerpontsikchö këkaq shonquta cuidanapaq, ¿ima kima consëjokunatataq wiyakunantsik?

1) Alli mikï. Shonqu alli kanampaqqa atska alimentotam wanan. Jina tsënöllam juk cristiänopis alimento cuenta Jehoväpa mëtsika yachatsikïninkunawan shonqunta yanapanan. 2) Ejerciciokuna. Diospita yachatsikïchö más yanapakurqa, Biblia parlanqan shonqutam alli kanampaq yanapanqa. 3) Mana alläpa yarpachakï. Tukï yarpachakïkunawan shonqu mana nitipakashqa kanampaqqa, alläpam precisan kuyakoq y Jehoväta llapan shonqunkunawan sirweq cristiänokunawan juntaränantsik (15/4, 16 kaq página).

¿Imataq yanapanqa casädokunata majanta engañarishqa karnin yapë markänakuyänampaq?

1) Rasun kaqtam willanakuyänan, 2) paqtam kallpachakuyänan, 3) punta rurëninkunatam jaqiyänan y 4) imë qonqayänampaq kaqtam musyayänan (1/5, 12-15 kaq päginakuna).

¿Imanirtaq allitsu kanman wanukushqapaq parlarnin Salmo 116:15 textota leiqa?

Tsë versïculom kënö nin: “Jehoväpa nawimpaqqa alläpa valoryoqmi rasumpa kuyaqninkunapa wanïninqa”. Llapan sirweqninkuna paqwë ushakäriyänantaqa alläpa jatun desgraciatanö rikarnin, Jehová tsë pasananta mana jaqinampaq kaqtam Salmo qellqaqqa rikätsikïkarqan. Llapan sirweqninkunata ushakätsiyänantaqa Jehová manam jaqinqatsu (15/5, 22 kaq página).

¿Pikunataq colportorkuna kayarqan?

1931 watayaqmi precursorkunata tsë jutiwan reqiyarqan (15/5, 31 kaq página).

¿Pikunataq kayan Daniel 2:44 ninqan ‘patsachö gobiernokuna’?

Tsë versïculoqa parlan tsë alläpa jatun imagen cuerponchö rikätsikunqan gobiernokunallapaqmi (15/6, 17 kaq página).

¿Imëtaq alläpa puëdeq mandakoq angloamericana tikrarqan llapanta mandaq qanchis kaq gobiernoman?

Kë alläpa puëdeq mandakoqqa yurirqan, punta kaq jatun guerra witsan, Gran Bretäñawan Estados Unidos contran churakaq polïticokunata ushakätsiyänampaq acuerdota rurayanqanchömi (15/6, 19 kaq página).