¿Yarpankiku?
¿Shumaq yachakurku leirqunki tsëllaraq yarqamoq Täpakoq revistakunata? ¿Puëdinkimantsuraq kë tapukïkunata contestëta?
¿Imatataq rurashwan parlakïnintsikwan mana llakitsikunapaq?
Puntataqa, shonquntsikchö imatapis imanir pensanqantsikkunatam tapukunantsik. Mana allita pensanapa rantinqa, yarpachakunantsikmi cristiano mayintsikpaq imanir mana allita pensanqantsikta. ¿Kikintsik alli quedanantsikrëkurtsuraq pëta mana precisapaq churëkantsik? Yarpäshun, pipaqpis wasan rimëqa mana allillamanmi chätsikun (15/8, 21 kaq página).
¿Imanötaq Moises qellqanqan Ley rikätsikun warmikunata Dios precisaqpaq churanqanta?
Moises qellqanqan leyqa mandakoq, warmikunaqa libre, yachatsishqa, respetashqa y cuidashqa kayänampaqmi (1/9, 5-7 kaq päginakuna).
¿Imaraq pasakunqa ushakë chämunampaqna këkaptin?
Gobiernokunam “¡Yamënam y següronam kawakuntsik!” niyanqa. ‘Jatungarë Babiloniatam’ nacionkuna ushakäratsiyanqa y nïkurmi Jehoväpa markampa contran sharkuyanqa. Tsëpitanam Armagedón guerra qallarinqa, y Satanastawan demonionkunatam wanwanyarëkaq uchkuman qarpuriyanqa (15/9, 4 kaq página).
¿Imanötaq yanapamantsik imë junaq y imë hora ushakë kanampaq kaqta mana musyanqantsik?
Tsëqa yanapamantsik shonquntsikchö ima kanqanta rikätsikunapaq, Jehoväpa shonqunta kushitsinapaq, Diospa kaqta alli sinchi ruranapaq, Jehoväman y Palabranman chipyëpa markäkunapaq o yärakunapaq y tukï problëmakunapa pasarnin más alli cristiano kanantsikpaqmi (15/9, 24 y 25 kaq päginakuna).
Apocalipsis 1:16, 20 textom willakun Jesucristupa derecha kaq makinchö “qanchis qoyllurcuna” këkanqanta, ¿pikunataq kayan tsë qoyllurkuna?
Kë qoyllurkunaqa rikätsikun ciëlopaq akrashqa anciänokunata, jina congregacionkunachö këkaq anciänokunata (15/10, 14 kaq página).
Isaías 50:4, 5 texto ninqannö, ¿imanötaq Jesus humilde kanqanta rikätsikurqan?
Kë versïculokunam nin ‘yachaqkunapa qallunta’ katseqqa “qepaman” mana kutinqanta. Yachakïta alläpa munarninmi, Jesusqa humildadwan rasumpa kaq Dios yachatsinqanta wiyakurqan. Awmi, alläpam yachakurqan Jehová humilde karnin jutsasapa nunakunata llakipanqampita o ankupanqampita (15/11, 11 kaq página).
