2012 wata 5 de septiembri killam, mierculis qoya (wäray), Estados Unïdos y Canadä Betel familiakunata willayarqan Jehoväpa Testïgunkunata Pushaqkunaman juk mas yapakärinqanta. Mark Sanderson wawqiqa sirwir qallëkurqan 1 de septiembripita patsëmi.

Wawqi Sandersonqa, San Diëgu, California (Estados Unïdos) markachömi cristiänu familiachö winarqan y 1975 wata 9 de febrërum bautisakurirqan. 1983 wata 1 de septiembrim, precursor këta qallarqan Canadäpa Saskatchewan nishqan markanchö. Estados Unïdoschömi 1990 wata diciembri killachö, Escuëla de Entrenamiento Ministerial (kananqa Soltërukuna Bibliapita Yachakuyänampaq Escuëla) nishqanchö graduakurqan, y 1991 wata abril killachönam Terranova (Canadä) nishqan islaman precursor especialtanö mandariyarqan. 1997 wata febreru killanam, congregacionkunata watukaqnö sirwirinqanchöna invitariyarqan Canadä nacionchö këkaq Betel wayichö yanapakunampaq. 2000 wata noviembri killanam Estädus Unïdos sucursalman mandariyarqan y tsëchömi yanapakurqan Yawar Asuntuta Rikaqkunanö y Diospita Yachatsikïta Rikaqkunanö.

2008 wata septiembri killam wawqi Sandersonqa ëwarqan, Sucursalta Rikaqkunapaq Escuëlaman, y tsëpitanam churariyarqan Filipïnas nacionchö Sucursalta Rikaqnö trabajanampaq. 2010 watanam septiembri killachö invitayarqan Estados Unïdosta kutinampaq y tsëchömi yanapakurqan Jehoväpa Testïgunkunata Pushaqkuna rikäyanqan Entëru Patsachö Diospita Yachatsikïta Rikaqkunachö.