1 mana rasun kaq yachatsikï: Alma manam wanuntsu

¿Imanötaq tsë yachatsikï yurimushqa? “Alma mana wanunqanman Grecia nacionchö creiyanqantam, punta filósofo nishqan estudioso cristiänokunapis creir qallëkuyarqan. Mamampa pachanchö wambra rurakar qallanqan höra Dios almata qonqantam pensayaq.” (The New Encyclopædia Britannica, 1988.)

¿Imatataq Bibliaqa yachatsikun? “Hutsa ruraq almaqa... kikinmi wanunqa.” (Ezequiel 18:4.)

Nunata Dios imanö kamanqampaqmi Biblia kënö nin: “Jehová Diosqa nunata allpapitam rurar qallëkorqan, y senqanmanmi pükëkorqan kawëpaq hamanita, y tsënam nunaqa kawëkaq alma [hebreuchö néfesch niyanqan] këman chärerqan” (Génesis 2:7).

Hebreuchö néfesch niyanqan palabraqa “shutëkaq nuna o animal” ninanmi, y tsëtam “alma” nir traduciyashqa. Adanta Dios kamarqa, mana wanuq almatatsu manam qorqan, antis shütar kawanampaqmi kawatsikoq kallpata qorqan. Tsëmi Bibliachö almapaq parlarqa nunapaq y animalpaq parlëkan. Y ¿imataq pasan huk almachö kawatsikoq kallpa ushakäriptenqa? Tsë höram alma wanurin (Génesis 3:19; Ezequiel 18:20).

Pero alma mana wanunqanta yachatsikuyanqampitam kë tapukïkuna yurirerqan: ¿Huk nuna wanuptin mëtaraq alman ëwan? ¿Imataq mana alli nunakunapa almanta pasan? Kë tapukïkunata contestayänampaqmi, mana alli nunakuna infiernochö rupayanqanta yachatsikur qallëkuyarqan.

Kë versïculokunata rikäri: Eclesiastés 3:19; 1 Corintios 15:45, QKW; Génesis 3:19.

RASUN KAQ:

Huk nuna wanurirqa tsëllachömi ushakärin.