Traducción del Nuevo Mundo Bibliapita quechuaman tikratsishqa textokuna
Traducción del Nuevo Mundo Bibliapita quechuaman tikratsishqa textokuna
Levítico 5:1: Sitsun huk alma wiyashqa kanqa nunakuna hananchö pipis mana allita parlanqanta, y testigo këkar, o tsëta rikashqa o musyarishqa këkar mana willakurqa, kikinmi mana willakunqampita cuentata qonan.
2 Crónicas 15:2: Tsënam Asäpa nöpanman yarqurir kënö nirqan: “¡Rey Asá y Judächö y Benjaminchö llapëki täraqkuna! Jehoväqa qamkunawanmi këkan, qamkuna pëwan këkäyaptikiqa; y ashiyaptikiqa, këkämunqam tariyänëkipaq; pero haqiriyaptikiqa, pëpis haqiriyäshunkim[”].
Salmo 65:2: Mañakïta wiyaq, qammanmi shayämonqa tukï rikoq nunakuna.
Salmo 118:6: Jehovämi yanapamaqnï, manam imatapis mantsashaqtsu. ¿Imataraq nunaqa ruramanman?
Proverbios 16:7: Huk nunapa rurëninkunapita Jehová kushikurqa, hasta chikeqninkunapis pëwan alli apanakunampaqmi ruran.
Proverbios 18:24: Kayanmi noqantsikrëkur imatapis rurarita munaq yanaqikikuna, pero huk wawqipitapis más kuyakoq amigo kanmi.
Sofonías 3:9: [‘]Tsënam llapan markakunata yachatsishaq huk idiömallata parlayänampaq, llapankuna Jehoväpa shutinchö qayakuyänampaq, huknölla yanapanakur sirwiyänampaq[‘].