Kë leikanqëki revistaqa 1879 wata julio killachömi yarqamur qallarqan. Tsë witsampitaqa tiempokuna jukläyashqanam, y tsënöllam kë revistapis jukläya tikrashqa (rikäri janachö këkaq fötokunata). Tsëmi, kë killapitaqa, Täpakoq revista maskunachöraq jukläya tikranqa.

Atska nacionkunachömi, mëtsikaq nunakuna Internet-ta utilicëta gustayan tukïta yachakuyänampaq. Computadörapa ukushninta lapirirllam mëtsika yachatsikïkunata Internetchö tariyan. Kanan witsankunaqa, mëtsika librokuna, revistakuna y periödicokunam Internetchö kan.

Tsëmi, Internetchö päginäkunata tsëllaraq altsarayämurqö más shumaq kanampaq y tukï yachatsikïkunata fäcil-lla tariyänëkipaq (jw.org/que). Tsë päginäkunaman yëkoqkunaqa 400 idiömakunapitapis maschömi publicacionkunata tariyanqa. kanampita patsëqa, Täpakoq revistachö yarqamoq wakin yachatsikïkunaqa, Internetllachönam yarqamunqa. *

Täpakoq revistapa wakin yachatsikïninkuna Internetllachöna yarqamunan kaptinmi, kë revistapita qallëkurqa, 32 päginayoqnatsu kanqa, sinöqa 16 päginayoqllana. Täpakoq revistaqa 204 idiömakunachönam yarqëkämun, y más wallka päginakunayoqllana kanqanmi yanapakunqa más idiömakunaman tumatsiyänampaq.

Tsënöna rurakämunqanqa, más nunakunaman Bibliapa salvakoq willakïnin chänampaq yanapakunantam munayä. Alläpa shumaq y aktsi cuenta mëtsika yachatsikïkunata jorqamur sïguitam munayä, imprimishqachö y Internetchö Bibliata respetar y imata yachatsikunqanta musyëta munar publicacionnïkunata leeqkunapaq.

Qellqamoqkuna