33 watachömi Jesusqa wanurqan, kawarimurqan y ciëluta ëwakurqan. Tsëpita atska tiempu pasariptinmi, rey kanampaq teytan churarqan (Daniel 7:13, 14). Ichikllachönam alli kawakïta kë Patsaman apamunqa, y waktsa këtam ushakätsinqa. (Leyi Salmu 72:7, 8, 13.)

Kë patsaman Jesus gobernamurninqa alläpa shumaq cösaskunatam ruramunqa. Teytan poderta qonqanwanmi nunakunata (runakunata) jutsannaqtana tikraratsinqa. Y llapan nunakunam kë Patsachö alli kawakï kanqampita alläpa kushikuyanqa y mananam awkinyë ni wanïpis (wanuypis) kanqanatsu. (Leyi Juan 5:26-29 y 1 Corintius 15:25, 26.)

Qateqninkuna yachatsikuyanqantam yanapëkan. Qateqninkunaqa Diospa Gobiernumpitam Bibliawan yachatsikïkäyan. Jesusqa nirqan kë patsachö llapan gobiernukunata ushakäratsir Diospa Gobiernun mandakur qallanqan witsanyaq qateqninkunata yanapëkänampaq kaqtam. (Leyi Mateu 24:14 y 28:19, 20.)

Jesusqa markanwanmi nunakunata yachëkätsin alli kawakïta. Y tsënöllam rurar sïguinqa kë mundupa ushakënin witsankunachö y Dios awnikunqan shumaq Patsa chämunqan tiempukunayaq. (Leyi 2 Pëdru 3:7, 13 y Apocalipsis 7:17.)