Bibliapita tapukïkuna
¿Imanirtaq mañakïqa alläpa alli?
Diosqa munan imëpis parlapänantsiktam y yarpachakïnintsikta willanantsiktam (Lücas 18:1-7). Precisaqpaq churamarnintsikmi wiyamantsik. Ciëluchö Teytantsikqa parlapänantsikpaqmi invitamarquntsik. ¿Munankimantsuraq invitacionninta chaskita? (Leyi Filipensis 4:6, NM.)
Mañakïqa manam yanapakïta mañakunallapaqtsu, sinöqa Diosmanmi mas wititsimantsik (Salmu 8:3, 4). Imanö sientikunqantsikta cada willashqam, pëwan amïgu kënintsik mas sinchiyan. (Leyi Santiägu 4:8, NM.)
¿Imanötaq mañakushwan?
Diosqa manam munantsu precisaq palabrakunata ni kutin kutin tsë palabrakunallata utilisänantsikta. Manam imanö mañakunantsikpaqpis nimantsiktsu. Masqa munan shonqupita patsë mañakunantsiktam (Mateu 6:7). Tantiyarinapaq, israelïtakunapa tiempunchö Äna jutiyoq warmim llakikïninta musyatsir mañakurqan. Jehovä yanapariptinnam, pëta agradecikur mañakurqan. (Leyi 1 Samuel 1:10, 12, 13, 26, 27 y 2:1.)
¡Alläpam kushikuntsik! Kamamaqnintsikta problëmantsikkunata willëta puëdinqantsikpita. Jina llapan ruranqankunapita alabëta y agradecikïtam puëdintsik. Alläpa kushikïpaq rurënintsikta precisaqpaq churashun. (Leyi Salmu 145:14-16.)