Yachakunqantsikkunata yarpëqa manam fäciltsu. Peru igualatsikuykunawan y ejemplukunawan Jesus yachatsikunqankunataqa fäcil-llam yarpantsik. ¿Imanirtan igualatsikuykunaqa y ejemplukunaqa yanapakun? Yachakunqantsikkuna imanö kanqanta rikëkaq cuenta kanapaqmi. Tsëmi alli kanman yachakunqantsik höra, imakunata yachakunqantsikkunata dibujanqantsik, tsëmi yanapamäshun mana qonqanapaq.

Yachakuyanqankunata dibujaqkunam niyan, yarpäyänampaqqa dibujayanqan alläpa yanapanqanta. Yachakunqantsikkunata dubujanapaqqa manam alli dibujaqraqtsu kanantsik. Yachaq nunakunam niyan, yachakuyanqankunata dibujayanqanqa, masqa edäna kaqkunata yanapanqanta.

Tsëqa allim kanman, yapëchö yachakurqa imata yachakunqëkikunata dibujanqëki. Y alläpam kushikunki yachakunqëkikunata yarparninqa.