Kë 2023 wataqa llapantsikmi munantsik kikintsik y familiantsikpis shumaq kawakuyta. ¿Imanirtan confiakushwan imapis alliyänampaq kaqman?

 Bibliachöqa alli noticiakunatam tarintsik. Tsëchömi willamantsik problëmakunaqa pasareqlla kanqanta y ichikllachöna ushakänampaq kaqta. Bibliachö “puntallapitana qellqashqa kaqkunaqa, noqantsik yachakunapaqmi qellqashqa kayarqan, tsënöpa [...] Teyta Diospa Palabran shoqamashqa, shamoq tiempuchö Diospita chaskinapaq kaqta shuyarar këkänapaq” (Romänus 15:4).

•   Bibliachö alli noticiakunapita masta musyëta munarqa, “La esperanza real de un mañana mejor” neqchö willakunqanta leyiri.

 Imapis alliyänampaq kaqta Bibliachö willakunqanqa, “barcu ëwakunanta mana dejaq anclanömi” (Hebrëus 6:19). Tsëmi yanapamantsik imapa pasarpis mana alläpa yarpachakunapaq, problëmakuna kaptimpis aguantar sïguinapaq, imapis alliyänampaq kaqman confiakunapaq y rasumpa kushishqa kanapaq. Rikäri wakinkunata imanö yanapanqanta.

•   Imapis alliyänampaq kaqta Bibliachö willakunqan, viciunta dejanampaq juk nunata imanö yanapanqanta yachakuri. Rikäri “Unë imanö kawanqätaqa paqwëmi chikï” neq videuta.

•   Imapis alliyänampaq kaqta Bibliachö willakunqan, kuyë familiantsik o amïguntsik wanuptin imanö yanapamanqantsikta yachakuri. Rikäri Wanupakushqakunapaq consuëlu neq videuta.

 Atskaq nunakunam shuyaräyan imapis alliyänampaq kaqta, peru tsënö kanampaq kaqtaqa manam segürutsu kayan. Imapis alliyänampaq kaqta Bibliachö willakunqanwanqa manam tsënötsu pasan. ¿Imanir? Bibliachö tarinqantsik alli noticiakunataqa kikin Jehovämi a änimantsik, y pëqa “ulikuyta o llullakuyta mana puëdeq Teyta Dios[mi]” (Tïtu 1:2). Jehovällam alläpa puëdeq karnin llapan änikunqanta cumplita puëdin, y pëllam ‘llapan munanqanta ruran’ (Salmus 135:5, 6).

 Imapis alliyänampaq kaqta Bibliachö willakunqanmanqa confiakuyta puëdinkim. Bibliachö willakunqanman mas confiakunëkipaqmi, Teyta Diospa Palabranta alli estudianëkipaq niriyaq (Hëchus 17:11). ¿Munankimantsuraq Bibliapita grätislla yachakuyta? ¡2023 wata imapis alliyänampaq kaqman confiakuy!