Organizacion Mundial de la Salud (OMS) niyanqanmi willakurqan 2022 wata 23 de marzu killayaqqa, seis millonpitapis mas nunakuna coronavïrus qeshyawan wanushqa kayanqanta. Peru 2022 wata 5 mäyu killapaqqa, mas nunakunana wanushqa kayanqantam Organizacion Mundial de la Salud niyanqan willakurqan. 2020 y 2021 watakunaqa tsë coronavïrus qeshyawan llapan wanoqkunata yupayaptinqa 15 millonnömi kayarqan. ¿Bibliaqa willakunku kënö llakikuy noticiakunapaq?

•    Jesusqa willakurqan “pestipis” o muyakoq qeshyapis, kë “ushanan junaqkunachö” kanampaq kaqtam (Lücas 21:11; 2 Timoteu 3:1, Teyta Diospa Willakïnin).

 Jesus willakunqanqa kanan witsanmi cumplikëkan. Masllata musyëta munarqa, ¿Cuál es la señal de “los últimos días” o “los tiempos finales”? neq yachatsikuyta leyiri.

•    “Tukïnöpa shoqakoq Dios, pëqa llapan pruëbantsikkunachömi shoqamantsik” (2 Corintius 1:3, 4).

 Mëtsika nunakunapam kuyashqa familiankuna wanuyashqa, pëkunataqa Bibliachö yachakuyanqanmi yanapashqa. Tsëkunapita masllata yachakuyta munarqa, “Cómo sobrellevar el duelo: Sugerencias prácticas“ y “La mejor ayuda para quienes están de duelo“ neq yachatsikuykunata leyiri.

•    “Gobiernïki shamutsun. Ciëluchö y patsachö munëniki rurakätsun” (Mateu 6:10).

 Ichikllachönam “Diospa Gobiernunqa” kë patsachö gobernamunqa. “Tsëchö täraq nunaqa manam mëqanpis ‘qeshyëkämi’ ninqatsu” (Marcus 1:14, 15; Isaïas 33:24). Kë gobiernu imata ruramunampaq kaqta musyëta munarqa, ¿Imataq Diospa Gobiernun? neq videuta rikäri.

 Diospa Palabran Bibliata maslla yachakunëkipaqmi invitariyaq. Bibliachö këkaq consëjukuna y änikuykunaqa qamta y familiëkitam yanapayäshunki.