Kë 2022 wata 24 de mäyu junaqmi, Estädus Unïduschö Uvalde (Texas) niyanqan takshalla markachö juk llakikuypaq desgracia pasashqa. The New York Times niyanqan periödicuchömi kënö nin: “Roob niyanqan escuëlaman [...] juk nuna illapanwan yëkuykurmi 19 wamrakunata y ishkë profesörakunata wanutsishqa”.

 Mas yarpachakuypaqqa atska sitiukunachöna tsënö pasanqanmi. USA Today niyanqan periödicuchömi willakun, Estädus Unïduschöqa “qanyan watalla 249 escuëlakunachö illaqpita llapankunata illapashqa kayanqanta. Tsënönaqa manash 1970 watapita hasta qanyan watayaq pasashqatsu kanaq”.

 ¿Imanirtan tsënö yarpachakuypaq desgraciakuna pasakun? ¿Imaraq yanapamashwan tsënö pasamashqa o pïnintsiktapis tsënö pasaptin consuëluta tarinapaq? ¿Imëllapis kë munduchö wanutsinakuy ushakanqatsuraq? Bibliachö ima ninqanta yachakurishun.

•    Bibliachöqa willakushqanam karqan “ushanan tiempuchöqa” nunakuna “mana kuyakoq” y “mantsëpaq” kayänampaq kaqta. Pëkunapaqmi Bibliachö nin ‘mana allipita mas mana alliman chäyänampaq’ kaqta (2 Timoteu 3:1-5, 13). Masta yachakuyta munarqa, “¿Predijo la Biblia cómo sería la gente en nuestros días?” neqta leyi.

 Wakin nunakunaqa kënömi niyan: “¿Imanirtan Diosqa imëka mana allikuna pasakunanta y hasta wamrakunata wanutsiyänanta permitin?”. Tsëpaq Bibliachö ima ninqanta musyëta munarqa, “¿Por qué le pasan cosas malas a la gente buena?” neqta leyi.

•    “Puntallapitana qellqashqa kaqkunaqa, noqantsik yachakunapaqmi qellqashqa kayarqan, tsënöpa [...] Diospa Palabran shoqamashqa, [...] Diospita chaskinapaq kaqta shuyarar këkänapaq” (Romänus 15:4).

 Bibliachö këkaq consëjukunaqa, mana allikunapa pasar kallpata y consuëluta tarinapaqmi yanapamantsik. Masllata musyëta munarqa, ¡Despertad! revistachö “¿Acabará algún día la violencia?” neqta leyi.

 Wamrakunaqa alläpam mantsakäyan noticiërukunachö mana alli noticiakunata wiyarnin o rikarnin. Tsënö pasaptin wamrëkita imanö yanapanëkipaq kaqta yachakuyta munarqa, “El efecto de las noticias en los niños” neqta leyi.

•    “Pëkunapa vïdanta alläpa valorarmi sufritseqninkunapita y maqaqninkunapita salvanqa” (Salmus 72:14. La Biblia. Traducción del Nuevo Mundo).

•    “Mëtsëchöpis nunakuna espädankunapita yapyakuyänanpaq puntatanam ruratsiyanqa. Lanzankunapitanam ösita ruratsiyanqa. Guërrachö pelyayänanpaqpis manam alistakuyanqanatsu” (Miquëas 4:3).

 Diosnintsikqa nunakuna rurëta mana puëdiyanqantam ruranqa. Ciëluchö këkaq Gobiernunmi llapan armakunata y illapakunata ushakätsinqa, y manam permitinqanatsu nunakuna wanutsinakuyänanta. Diospa Gobiernun ima masta ruramunampaq kaqta musyëta munarqa, “El Reino de Dios traerá ‘paz en abundancia’” neqta leyi.