Mëtsëchö guërra kaptinmi pïmë nunakuna alläpa sufriyan. Tsë asuntupaqmi kënö nirnin willakayämushqa:

•   “Qanyan wataqa mëtsëchö, peru masqa Etiopïachö y Ucraniachö guërra kaptinmi mëtsika nunakuna wanuyashqa. 1994 watapita kananyaqmi tsënö mëtsikaqqa wanushqatsu kayarqan” (Instituto de Investigación para la Paz de Oslo, 7 de juniu 2023).

•   “Ucraniachö këkaq guërrachöqa 2022 watachömi masqa wanuyashqa. Mëtsë nacionchömi qanyan wataqa polïticarëkur chikinakuyanqan imëpitapis mas mirashqa (27% mas), tsënöpam 1.700 millon nunakuna alläpa sufriyashqa” (Proyecto de Datos de Localización y Eventos de Conflictos Armados [ACLED], 8 de febrëru 2023).

 ¿Imëllapis guërrakuna ushakanqatsuraq? Awmi, Bibliachömi kënö nin: “Ciëluchö Teyta Diosqa juk gobiernuta[m] churamunqa. Tsë gobiernutaqa manam ni pï ushakätsinqatsu”, y tsë Gobiernuwanmi Diosnintsikqa llapan “guërrakunata ushakätsin[qa]” (Daniel 2:44; Salmus 46:9).