•   “Estädus Unïduschö jövinkunapitaqa cäsi pullanmi japallankuna sientikuyanqanta niyan. 18 a 25 watayoq jövinkunam masqa tsënö sientikuyan” (Informe de la máxima autoridad en salud pública de Estados Unidos sobre la soledad y el aislamiento, 2023).

•   “[Organización Mundial de la Salud niyanqanmi] willakamushqa juk grüpu nunakunata akrayanqanta, tsënöpa nunakuna imanir japallankuna sientikuyanqanta musyapakuyänampaq, jukkunawan juntakuyta animayänampaq y më nacionpita kayaptimpis o waktsa kayaptimpis japallan sientikoqkunata imanö yanapayänampaq kaqta rikäyänampaq” (Organización Mundial de la Salud, 15 de noviembri de 2023).

 Jukkunawan juntakur japallantsik mana sientikunapaqmi Bibliachöqa alli consëjukunata tarintsik.

 Ama imapis michäshuytsu jukkunawan juntakunëkita. Höraqa redes sociales niyanqanchö alläpa tiemputa pasanqëkim jukkunawan juntakunëkita michäshunkiman. Tsëmi tsëllachö ocupädu kanëkipa rantinqa, jukkunawan imallatapis rurë y alli amïgukunayoq kanëkipaq kallpachakuy.

•   Kë textuchö ninqanman pensë: “Rasumpa amïgu karqa, imëpis kuyakoqllam këkanqa, y desgraciakunapa pasayanqan hörapis kuyakoq wawqinnömi dejantsu” (Proverbius 17:17).

 Jukkunata yanapanëkipaq kallpachakuy. Jukkunapaq imatapis rurarqa pëkunawanmi mas alli kanki, mas allim sientikunki y kushishqam kanki.

•   Kë textuchö ninqanman pensë: “Imatapis chaskir kushikunqantsikpitaqa, imatapis qarakurmi masqa kushikuntsik” (Hëchus 20:35).

 Alli amïguyoq kanëkipaq Bibliachö mas consëjukunata yachakunëkipaqqa, jw.org Internetchö päginaman yëkuri.