2023 watachömi estudiashqa nunakuna niyarqan, nunakuna japallankuna sientikuyanqanqa alläpa mana alli kanqanta y tsënö sientikoqkunata yanapayänampaq kaqta. ¿Nunakuna puëdiyanku japallankunalla mana sientikuyänampaq imallatapis rurëta?

•   “Japallantsik sientikunqantsik y jukkunawan mana juntakunqantsikqa, manam alli saloryoq kanapaq ni kushishqa kanapaq yanapamantsiktsu. Tsënö mana sientikunapaqqa, cada junaqmi jukkunawan mas amïgu kanapaq kallpachakunantsik” (Vivek Murthy, director general de Salud Pública de Estados Unidos). a

 Nunakunaqa manam japallankunaraqtsu kayänan japallankuna sientikuyänampaq. Wakinkunaqa atskaq nunakunawan këkarpis japallankunam sientikuyan. Imarëkur japallantsik sientikushqapis, Bibliachö consëjukunaqa japallantsik mana sientikunapaqmi yanapamantsik. Juk kaq consëjuqa mas alli amïgukunayoq kanapaqmi yanapamantsik.

 Jukkunawan cläru parlëta yachakuy. Tsëpaqqa manam imanö sientikunqëkillatatsu willanëki, sinöqa parlapäyäshuptikipis shumaqmi wiyanëki. Jukkunapaq yarpachakur imanöllapis yanaparqa, pëkunawanmi mas alli amïgu kanki.

•   Bibliachö kënö ninqanman pensë: “Ama biennikikunallataqa ashiyëtsu, sinöqa wakinkunapa biennintapis ashiyë” (Filipensis 2:4).

 Mas amïgukunayoq kë. Mayorniki kayaptin, menorniki kayaptin, juk costumbriyoq kayaptin o më nacionpita kayaptimpis, llapankunawan amïgu kanëkipaq kallpachakuy.

•   Bibliachö kënö ninqanman pensë: ‘Shonqupita mas kuyakoq kayë’ (2 Corintius 6:13).

 Alli amïguyoq kanëkipaq imata ruranëkipaq kaqta musyanëkipaqqa, rikäri “Cómo saciar la sed de amistad” neqchö willakunqanta.