Ucraniachö guërra kanqanmi rikätsikushqa Jesucristuman creikoq religionkunachö wakin dirigeqkunaqa guërrakunaman mëtikuyanqanta. Pëkunaqa kënömi niyan:

•   “Alabashun y agradecikushun Ucrania nacionninkunata defendeq soldäduntsikkunata […]. Imëpis pëkunawan këkäshun, pëkunapaq Diosman mañakushun y yanapashun” (Kiev markachö metropolitänu Epifanio I, The Jerusalem Post, 16 de marzu 2022 wata).

•   “Kë pasaq domingum, Rusiachö Iglesia ortodoxa religionchö juk dirigeq soldädukunapaq misata rurashqa, y ‘rüsukunalla rurëta puëdiyanqannö’ nacionninkunata defendiyänampaqmi parlashqa. Moscü markachö dirigeqkunaqa sïguikäyanmi Ucraniachö rüsu soldädukunata dirigir” (Reuters, 3 de abril 2022 wata).

 ¿Alliku religionkunachö dirigeqkuna guërrakunaman mëtikuyanqan? ¿Ima nintan Bibliachö?

 Bibliachöqa clärum nin Jesucristuman creikoqkunaqa guërrakunaman mana mëtikuyänampaq.

•   “Espädëkita sitiunman kutitsi, espädawan pelyaqkunataqa, espädawanmi wanutsiyanqa” (Mateu 26:52).

   Guërrakunaman mëtikoqkuna o guërrata rurayanqanta allitanö rikaqkunaqa, ¿cäsukuykäyanku Jesucristu mandakunqanta?

•   “Kë mushoq mandamientum qamkunapaq: jukniki juknikikunam kuyanakuyänëki. Qamkunata kuyanqänöllam qamkunapis jukniki juknikikuna kuyanakuyänëki. Tsënömi llapankuna musyayanqa qatimaqnïkuna kayanqëkita, jukniki juknikikuna kuyanakuyaptiki” (Juan 13:34, 35).

   Guërrakunaman mëtikoqkunaqa, ¿Jesus ninqannöku kuyakoq kayan?

 Masllata musyëta munarqa, “El cristianismo y la guerra: ¿son compatibles?” neqta leyi.

 Jesucristuman rasumpa creikoqkunaqa, ¿rasumpaku guërrakunaman mëtikuyantsu? Awmi. Bibliachöqa willakushqanam karqan kë “ushanan tiempuchöqa” Jesucristu mandakunqanta cäsukurnin mëtsë nacionkunachö nunakuna ‘guërrachö pelyayänampaq yachakuyta’ dejayänampaq kaqta (Isaïas 2:2, 4).

•   Masllata yachakuyta munarqa, La Atalaya revistachö “¿Qué piensa Dios de las guerras?” neqta leyi.

 ‘Yamë kanapaq yanapakoq” Jehovä a Diosqa, ciëluchö këkaq gobiernunwanmi “sufritseqninkunapita y maqaqninkunapita [pï më nunakunata] salvanqa” (Filipensis 4:9; Salmus 72:14).

•   Imanö ruranampaq kaqta musyëta munarqa, ¿Imataq Diospa Gobiernun? neq videuta rikë.