¡ALKÄBU ALKÄBULLA KËKÄSHUN!
Juegos Olímpicos niyanqanqa, ¿rasumpatsuraq unïdu kayänampaq nunakunata yanapan? | ¿Ima nintan Bibliachö?
2024 watachömi 5.000 millonnö nunakuna Juegos Olímpicos niyanqanta rikäyanqa, tsëchöqa 206 nacionkunapita y markakunapita pukllaqkunam juntakäyanqa. Tsëchö dirigeq Thomas Bachmi kënö nin: “Kë pukllakunaqa entëru patsachö nunakuna yamë y unïdu kayänampaqmi yanapakun”. Y kënöpis nirqanmi: “Më nacionpita o ima costumbriyoq karpis; pukllayanqankunataqa llapantsik unïdu, yamë y kushishqam rikäshun”.
Juegos Olímpicos niyanqanqa, ¿rasumpatsuraq yanapakun nunakuna unïdu y yamë kayänampaq? ¿Imëllaqa nunakuna yamë y unïdu kawakuyanqatsuraq?
Tsë pukllakunachö juntakäyanqanqa, ¿yanapakunqatsuraq nunakuna yamë y unïdu kayänampaq?
Tsë pukllakunaqa manam pensayanqannötsu yanapakuykan, tsëpa rantinqa imëka problëmakunapaq y polïtica asuntukunapaq parlarmi nunakunaqa mas rakikëkäyan. Tsëmi nunakunaqa derëchunkunata reclamar, creenciankunarëkur y colorninkunarëkur discutiyan.
Pukllayänampaq mëtsë nacionpita juntakäyanqanta rikäyanqanqa, llapantapis kushikuriyänampaqmi yanapan. Tsënö kaptimpis yamë y unïdu kayänampa rantinmi pensayanqankunawan y rurayanqankunawan nunakunaqa mas rakikëkäyan.
Bibliachöqa willakurqannam kanan tiempuqa unïdu kë mana fäcil kanampaq kaqta (2 Timoteu 3:1-5). Tsë asuntupaq Bibliachö willakunqanta maslla musyanëkipaqqa, “¿Kanan tiempu nunakuna imanö kayänampaq kaqta Bibliachö willakurqanku?” neqta leyi.
Ichikllanam faltan rasumpa yamë y unïdu kawakunapaq
Bibliachömi willakun yamë y unïdu kawakunapaqqa ichikllana faltanqanta. Diosqa änimantsik “Gobiernun” entëru Patsachö nunakunata gobernamuptin yamë y unïdu kawakunapaq kaqtam (Lücas 4:43; Mateu 6:10).
Diospa Gobiernuchö Jesus gobernamuptinmi llapan nunakuna yamë kawakuyanqa. Bibliachömi kënö nin:
“Alli nunakunaqa shumaq wëtëkaq plantanömi kayanqa” (Salmus 72:7).
“Pëmi salvanampaq mañakoq waktsakunata [...] salvanqa. [...] Sufritseqninkunapita y maqaqninkunapita salvanqa” (Salmus 72:12, 14).
Kanan witsampis Jesus yachatsikunqankunaqa, 239 nacionkunapita y markakunapita nunakuna unïdu kawakuyänampaqmi yanapëkan. Jesus yachatsikunqankunata cäsukurmi Jehoväpa testïgunkunaqa llapan nunakunawan yamë kawakuyan. Tsëta maslla musyanëkipaq Täpakoq revistachö “Ama chikikoq kashuntsu” neqta leyi.
Capaz këkunapis gustashunki
ENSEÑANZAS IMPORTANTES DE LA BIBLIA
¿Imataq Diospa Gobiernun?
Jesusqa, yachatsikur qallanqampita patsëmi, Diospa Gobiernumpita mas parlarqan. Jesuspa qateqninkunaqa unëpitam tsë Gobiernu chämunanta mañakïkäyan.
BIBLIA YACHATSIKUNQANKUNA
¿Imachötan yachakushwan llapan musyëta munanqantsikkunata?
Imapaq kawanqantsikta, kushishqa kanapaq ima yanapamanqantsikta y shamoq tiempu imanö kanampaq kaqta, ¿maslla musyëta munankimantsuraq?
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?
