Mëtsëchö tapukurmi musyayashqa a cada chusku nunakunapita jukqa japallan sientikunqanta.

•   “Mëchö täkurpis o ëka watayoq karpis mëtsikaq nunakunam jukkunawan juntakuyta mana puëdir japallankuna sientikuyanman” (Chido Mpemba, copresidenta de la Comisión de la Organización Mundial de la Salud sobre Conexión Social).

 Manam mayor nunakunallatsu ni piwan mana juntakoqkunallatsu japallankuna sientikuyan, sinöqa jövinkuna, alli saloryoqkuna, casädukuna y kapoqyoq nunakunapis japallankunam sientikuyan. Imarëkurpis jukkunawan juntakuyta mana puëdeq y piwampis mana juntakuyta munaqqa, alläpa llakikurmi qeshyarinman.

•   “Japallantsik sientikunqantsikqa alläpa peligrösum [...]. Tsëqa kanman juk junaqchö imëka 15 cigärruta shoqoqnömi” (Vivek Murthy, director general de Salud Pública de Estados Unidos).

 Teyta Diosqa manam munantsu japallantsik sientikunantsikta. Pëqa munan imëpis alli amïgukunayoq kanantsiktam y pëkunawan imallatapis rurar kushishqa kanantsiktam.

•   Bibliachömi kënö nin: “Diosqa nirqan: ‘Manam allitsu nuna japallanlla këkanqan’” (Genesis 2:18).

 Teyta Diosqa munan amïgun kanantsiktam. Pëwan amïgu kanapaq kallpachakushqaqa, pëpis amïguntsik kanampaqmi änimantsik (Santiägu 4:8).

•   Bibliachömi kënö nin: “Kushikuyätsun Diosta wanayanqanta musyaqkuna, ciëluchö Gobiernuqa pëkunapaqmi kanqa” (Mateu 5:3).

 Teyta Diosqa munan jukkunawan juntu adoranantsiktam. Pëta adorarqa kushishqam sientikuntsik.

•   Bibliachömi kënö nin: “Kuyakoq kanapaq y alli kaqta rurëchö yanapanakunapaq, juknintsik juknintsik alli reqinakushun, [...] juntakëta dejashuntsu [y] juknintsik juknintsik animanakur këkäshun” (Hebrëus 10:24, 25).

 Japallëki sientikur imakunata ruranëkipaq kaqta musyanëkipaq, “Soledad en la era de la comunicación” neq yachatsikuyta leyi.