“Tiempuntsikchö achachëpis y alalëpis masmi peorakuykan. Mëtsika markakunatam yaku tsapashqa. Wakin markakunachöqa alläpam achachan. Vientupis mantsakëpaqmi kakun. Më tsëchömi yaku kantsu. Mëtsika plantakuna y animalkunapis wanurmi ushakëkäyan. Mana creipaqnö kaptimpis, rasumpam këkunaqa pasakuykan. Tsë llapan kë Patsachö pasakuykanqantam cienciata estudiaqkunaqa niyan”. Tsëtam nirqan secretariu general de Naciones Unïdaspita Antoniu Guterres.

 “Cienciata estudiaq nunakunam willakuykäyan shamoq watakunachöqa Estädus Unïduschö 423 parques nacionales nir reqiyanqan sitiukuna alläpa alalëwan y alläpa achachëwan ushakäyänampaq kaqta: plantakuna kayakar ushakaptin, wakin sitiukunata yaku tsapaptin, rajukuna tsullur pasëpa ushakaptin, lamarchö yaku mas miraptin y alläpa achachaptin“, tsëtam nin15 de juniu 2022 watachö yarqamoq The New York Times revista.

 ¿Patsachö alläpa alalë, achachë y maskuna pasakuykanqanqa altsakanqatsuraq? Altsakänan kaptinqa, ¿imanöraq kanqa? Tsëpaq Biblia ima ninqanta rikäri.

 Bibliam nimantsik Diosqa ‘patsata ushakëkätseqkunata ushakätsinampaq’ kaqta (Apocalipsis 11:18). Bibliapa kë versïculumpita kimata yachakurishun:

1.  1. Nuna imëkata ruranqanmi Patsata ushakëkätsin.

2.  2. Nunakuna malograyanqan Patsaqa altsakanqam.

3.  3. Diosmi kë Patsataqa altsamunqa y manam nunakunatsu.

 Bibliachömi kënö nin: “Kë patsaqa manam ni imëpis ushakanqatsu” (Eclesiastes 1:4). Tsëchöqa nunakuna imëpis këkäyanqallam.

•   “Allita ruraq nunakunapaqqa kë patsam herenciankuna kanqa, y tsëchömi imëyaqpis alli kawakuyanqa” (Salmus 37:29).

 Täranqantsik Patsaqa, unë witsanchö shumaq kanqannömi tikranqa.

•   “Tsë witsanqa tsunyaq sitiuchö y tsaki patsachöpis alläpam kushikuyanqa. Imapis mana kanqan pampakunachöpis azafran planta wëtanqannöran wëtayanqa, nunakunaqa alläpam kushikuyanqa” (Isaïas 35:1).