Nunakunaqa alläpam cölerakuyan respetayanqan nunakuna mana confiakuypaq kayaptin, awmi:

•   Polïticukunaqa nunakunapaq yarpachakuyänampa rantinmi kikinkunallapaq mas yarpachakuyan.

•   Noticiakunata willakoqkunapis mana rasumpa kaqta willakurmi nunakunata llakitsiyan.

•   Cientïficukuna rurayanqampis hörataqa manam nunakunata yanapantsu.

•   Cürakuna y pastorkunapis Diosta defendiyänampa rantinmi polïtica asuntuman mëtikur kayan.

 Tsëmi llapan niyanqankunamanqa confiakunantsiktsu, tsëtam Bibliachöpis nin:

•   “Ama mandakoqkunaman ni pï nunakunamampis confiakuyëtsu. Pëkunaqa manam salvayäshuynikita puëdiyantsu” (Salmus 146:3).

 Bibliachömi willakun piman confiakuyta puëdinqëkita, y pëqa Jesucristum. Jesusqa manam unë witsan Patsachö kawaq juk alli nunallatsu karqan, Bibliachömi pëpaq kënö nin: ‘Pëmi imëyaqpis gobernanqa, y Gobiernunqa manam imëpis ushakanqatsu’ (Lücas 1:32, 33). Jesustaqa Diosnintsikmi Gobiernunchö gobernanampaq churashqa, y kananqa ciëluchömi gobernëkan (Mateu 6:10).

•   Jesusman imanir confiakunëkipaq kaqta musyanëkipaq këchö ninqankunata leyi, “¿Pitatan Diosqa churashqa Gobiernunchö gobernanampaq?” y “¿Imakunataraq Diospa Gobiernunqa ruramunqa?”