Organizacion de las Naciönes Unïdas niyanqanmi kënö willakun:

•   2023 wata 7 de octubripita 23 de octubriyaqqa, Gäza y Israel guërrachö kayanqanchömi, seis mil cuatrocientuspitapis mas nunakuna wanuyashqa y quinci mil doscientus nunakunam herïdu quedayashqa, y atskaqmi lluta nunakunalla kayashqa. Manam tsëllatsu, atska mil nunakunam wayinkunata dejëkur ëwakuyashqa.

•   2023 wata 24 de setiembriyaqqa, Rusia y Ucrania guërrachö kayanqanchömi, nuëvi mil setecientus ünu nunakuna wanuyashqa y Ucrania nacionllachömi diecisiëti mil setecientus cuarenta y öchu nunakuna herïdu quedayashqa.

 Bibliachö willakunqanqa, ¿yanapanku guërrakunachö sufrikaqkunata?

 Bibliachömi willakun entëru “patsachö guërrakunata” Teyta Dios ushakätsinampaq kaqta (Salmus 46:9). Tsëpaqqa, kë Patsachö gobiernukunatam ciëluchö këkaq Gobiernunwan cambianqa (Daniel 2:44). Diospa Gobiernun gobernamuptinqa manam nunakuna sufriyanqanatsu.

 Diospa Gobiernunchöqa Jesucristum gobernamunqa, pëqa këkunatam ruramunqa:

•   “Pëmi salvanampaq mañakoq waktsakunata, humildikunata y yanapayänanta munar qayakoqkunata salvanqa. Pëqa waktsakunata y humildikunatam llakipanqa, y waktsakunatam salvanqa. Pëkunapa vïdanta alläpa valorarmi sufritseqninkunapita y maqaqninkunapita salvanqa” (Salmus 72:12-14).

 Diospa Gobiernun gobernamuptinqa, guërrakuna y maqakuyta munaq nunakuna manana kaptinmi, nunakunaqa sufriyanqanatsu ni llakikuyanqanatsu.

•   “Nawinkunapitam llapan weqita limpianqa, y nunakunaqa manam wanuyanqanatsu o wañuyanqanatsu, llakikuyanqannatsu, waqayanqanatsu ni nanatsikuyanqanatsu. ¡Teyta Diosmi llapan sufritsimanqantsik kaqkunata ushakätsinqa!” (Apocalipsis 21:4).

 Diospa Gobiernunqa ichikllachönam kë Patsachö imëka cambiukunata ruranqa. Bibliachöqa unëpitanam willakurqan “guërrakuna kanqanta y guërrakuna kanqampaq” willakuyänampaq kaqta (Mateu 24:6). Tsëkunata y maskunata rikarmi musyantsik, ‘ushanan tiempuchöna’ kawëkanqantsikta y gobiernukuna ichikllachöna ushakäyänampaq kaqta (2 Timoteu 3:1).