Nunakunaqa munayan gobernaqkuna confiakuypaq kayänantam; alläpa cansashqanam këkäyan mëchö tsëchöpis autoridäkuna alläpa suwakoq kayaptin. 2023 watachö mëtsika nacionkunachö encuestata rurarmi rikäyashqa kanan tiempu nunakunaqa autoridäkunaman manana confiakuyanqanta. a

 Bibliachömi parlan ni imëpis mana suwakoq y imëpis allillata ruraq gobiernupaq. Tsë gobiernuqa Diospa Gobiernunmi, y tsë Gobiernuchö mandakoqqa Señor Jesucristum (Isaïas 9:7).

 Jesucristuqa Patsachö kawanqan tiempunam rikätsikurqan nunakunata rasumpa kuyanqanta (Mateu 9:35, 36). Diospa Gobiernunta yanapaqkunaqa, tsë Gobiernu gobernamuptinmi yamëna kawakuyanqa y llapankunapaqmi justicia kanqa (Salmus 72:12-14).