Kë 2022 wata 19 de mäyu junaqmi, Consejo de Seguridad de la Onu niyanqanta rikaqkuna juk reunionta rurayashqa, y 75-nö autoridäkunam juntakäyashqa. Tsëchömi kënö niyashqa: “COVID-19 qeshya y alläpa usya kashqa kaptinmi mëtsëchö mikuy ushakar qallashqa, peru Ucraniachö guërra kanqanwanqa masran mëtsëchö hambrüna kanqa”. Tsëpitanam, The Economist niyanqan revistachö kënö nir yarqamushqa: “Mëtsëchönam pïmë imëkata faltapakuykäyan, peru kë guërrawanqa masran mëtsëchö hambrüna kanqa”. Bibliachöqa nishqanam karqan tsënö mana alli tiempukuna chämunampaq kaqta. Peru manam tsëllatatsu nin, ichikllachöna alli tiempu chämunampaq kaqtapis willakunmi.

•    Jesusmi nirqan: “Juk nacionmi juk nacionwan guërrata ruranqa, juk gobiernum juk gobiernuwan pelyanqa, y wakchö këchömi mallaqë y terremötukuna kanqa” (Mateu 24:7, La Biblia. Traducción del Nuevo Mundo).

•    Bibliachömi Apocalipsis libruchö chuskoq bestian montashqakunapaq parlan. Tsë chuskumpita jukninmi guërrakuna kanampaq kaqta rikätsikun, y qepanta ëwaq kaqnam mallaqë kanampaq kaqta rikätsikun. Tsëpitam willakun mikuy më tsëchö escäsu y alläpa chaniyoq kanampaq kaqta. Kënömi nin: “Yana cawallu yarqaramuqta[m] rikarqä. Montaraqninnam balanzan tsarashqa këkarqan. Tsënam [...] kënö nimuqta wiyarqä: “¡Muchïmi kanqa! Juk kïlu trïgullatam rantiyanqa juk junaq jornalninkunawan, y kima kïlu cebädallatam rantiyanqa juk junaq ganayanqanwan” (Apocalipsis 6:5, 6, Teyta Diospa Willakïnin).

 Bibliachö tsënö ninqanmi kanan tiempu cumplikëkan, y kanan tiempupaqmi Bibliachöqa ‘ultimu tiempu’ nin (2 Timoteu 3:1, Tayta Diospa wilakuynin). Ultimu tiempupaq Bibliachö willakunqanta y chuskun bestian montashqakuna ima ninan kanqanta masta yachakuyta munarqa, 1914 watapitaqa imëkam pasakuykan neq videuta rikë y “¿Imatataq musyatsikun bestian montashqakunaqa?” neqta leyi.

•    Bibliachöqa, mikuykuna alläpa chaniyoq tikraptin o mana kaptin imata ruranapaq kaqta musyatsikoq alli consëjukunam kan. Wakin consëjukunataqa tarinki “Cómo vivir con menos” neqchömi.

•    Bibliachöqa, ichikllachöna alli tiempukuna chämunampaq kaq alli noticiatam willakun. Entëru Patsachö mikuy abundu kaptin ni pipis manana mallaqänampaq kaqtam nin (Salmus 72:16). Bibliachö tsëta ninqan rasumpa kanqanta musyëta munarqa, “La esperanza real de un mañana mejor” neqta leyi.