Kë 2022 wata 24 de febrërum, Rusia nacionwan Ucrania nacion guërraman chäyashqa. Tsë junaqmi, manaraq patsa waraptin, Rusia nacionpa soldädunkuna Ucrania nacionman yëkuyarqun. Tsënö pasananta mëtsë nacion gobiernukuna michëta procurarpis manam puëdiyashqatsu. Kë pasëkanqankunaqa, ¿imamanraq entëru munduta chätsinqa? Naciönes Unïdas niyanqanchö secretariu general Antöniu Guterresmi nirqan tsë guërra kaptinqa Euröpa nacionkunachö y entëru munduchö pïmë sufriyänampaq kaqta, imëka ushakänampaq kaqta y yamë kawakuyta pipis mana puëdinampaq kaqta.

•   Señor Jesucristuqa, “juk nacionmi juk nacionwan guërrata ruranqa” nirmi unëna willakushqa karqan (Mateu 24:7). “¿Cuál es la señal de ‘los últimos días’ o de ‘los tiempos finales’?” neqta leyi. Tsëchömi yachakunki Jesucristu willakunqannölla kanan tiempu pasëkanqanta.

•   Bibliachö Apocalipsis libruchömi guërrakunata igualatsin ‘nina color bestian’ montashqa nunatawan, y “patsapita yamë këta ushakäratsita” puëdinqantam nin (Apocalipsis 6:4). Maslla musyanëkipaq leyi “¿Imatataq musyatsikun bestian montashqakunaqa?” neqta. Tsëchömi yachakunmi Bibliachö unëna willakunqan kanan tiempu cumplikëkanqanta.

•   Daniel libruchöpis willakurqanmi ‘norti lädu gobiernuwan’ ‘sur lädu gobiernu’ chikinakuyänampaq kaqta (Daniel 11:25-45). ‘Norti lädu gobiernuqa’ a Rusia nacionwan yanapaqnin nacionkunam. Imanir tsënö kanqanta musyanëkipaq, Daniel capïtulu 11 imanö cumplikanqan neq videuta rikë.

•   Apocalipsis libruchöqa, ‘Llapanta Puëdeq Diospa jatun junaqninchö guërrapaqpis’ parlanmi (Apocalipsis 16:14, 16). Peru tsë guërraqa, manam kan tiempuchönö atska nacionkuna rurayanqan guërratsu kanqa. Tsë guërra imë y imanö kanampaq kaqta musyanëkipaq, “¿Qué es el Armagedón?” neqta leyi.

•   Bibliachömi nin Diosnintsikqa entëru Patsachö guërrakunata ushakätsinampaq kaqta (Salmus 46:9). Leyi “La esperanza real de un mañana mejor” neqta. Tsëchömi yachakunki imakunata Diosnintsik ruramunampaq kaqta.

•   Jesusqa llapan pëman creikoq kaqkunatam nirqan Diospa Gobiernunna gobernamunampaq mañakuyänampaq (Mateu 6:9, 10). Tsë Gobiernuqa ciëlupitam gobernamunqa, y tsë Gobiernuwanqa Diosnintsik munanqannömi mëtsëchö yamëna kawakushun. Maslla yachakunëkipaq rikë ¿Imataq Diospa Gobiernun? neq videuta.

 Ucraniachöqa, 129 milpitapis masmi Jehoväpa testïgunkuna kan. Pëkunaqa entëru Patsachö Testïgukunanömi Señor Jesucristu ruranqannölla ni polïticaman ni guërrakunaman mëtikuyantsu (Juan 18:36). Jehoväpa testïgunkunaqa mëtsëchömi alli noticiakunata willakuykäyan. Imëka problëmakuna y guërrakuna imanö ushakänampaq kaqtam willakuyan (Mateu 24:14). Bibliachö ima alli noticiakuna kanqanta yachakuyta munarqa, watukayänaqpaq qellqamuy.