2023 wata 24 de enëruchömi ushakë junaqta rikätsikoq relojta a cientïficukunaqa patsätsiyashqa. Tsëtaqa churayashqa, ichikllana pishinqanta rikätsikuyänampaqmi.

•   “Ucrania nacionchö guërra kaptin, imëka desgraciakuna pasakuptin y guërrapaq armamentunkuna listullana këkaptinmi, ushakë junaqta rikätsikoq relojqa pullan paqasmanna chëkan. Tsë relojqa rikätsikun imëka problëmakunapa nunakuna pasëkäyanqantam” (Servicio internacional de noticias de la agencia AFP willakunqan).

•   “Kë martischömi, cientïficukunaqa ushakë junaqta rikätsikoq relojta pullan paqaspaq 90 segundus pishikaqllamanna churashqa kayanqanta willakuyarqan y tsëqa Armagedonchö nunakuna ushakäyänampaq kaqtam rikätsikun” (ABC News willakunqan).

•   “Atska nacionpitam juk grüpu cientïficukuna niyashqa nunakuna imëpitapis ushakäyänampaq ichik tiempullana pishinqanta” (The Guardian periödicu willakunqan).

 Kë Patsawan nunakunaqa, ¿ichikllachönatsuraq ushakäyanqa? ¿Shamoq tiempuchö imakuna pasakunampaq kaqkunata mantsashwantsuraq? ¿Ima nintan Bibliachö?

 Bibliachöqa nin, kë Patsa ni imëpis mana ushakänampaq kaqta y tsëchö nunakuna imëyaqpis alli kawakuyänampaq kaqtam (Eclesiastes 1:4; Salmus 37:29). Tsëmi nunakunaqa kë Patsata ushakätsiyanqatsu ni kikinkunapis ushakäyanqatsu.

 Peru Bibliachöqa, “kë munduchö nunakuna y imata munayanqampis” ichikllachöna ushakäyänampaq kaqtam nin (1 Juan 2:17).

•   Bibliachö ushakë junaqpaq willakunqanta masta musyëta munarqa, “¿Se acerca el fin del mundo? ¿Qué es el apocalipsis?” neqchö leyiri.

•   Bibliachö kë mundu imë ushakänampaq kaqta willakunqanta masta musyëta munarqa, “¿Cuándo será el fin del mundo?” neqchö leyiri.

 Kë munduchöqa imëka mana allikunam pasakuykan, peru Bibliam alläpa mana yarpachakunapaq yanapamantsik, tsëkunaqa këkunam kayan:

•   Bibliachöqa consëjukunatam tarintsik (2 Timoteu 3:16, 17). Këllaman pensari: imëka problëmakuna kaptimpis, Bibliachö consëjukunam yanapamantsik alläpa mana llakikunapaq. Masta musyëta munarqa “Qué puedo hacer para no preocuparme tanto” neqta leyiri.

•   Shamoq tiempuchö imëkapis allina kanampaq kaqtam Bibliachöqa nimantsik (Romänus 15:4). Kanan y shamoq tiempu imanö kanampaq kaqta musyanqantsikmi yanapamantsik, imëka mana allikuna pasakuptimpis tranquïlu sientikunapaq.

 Bibliapita masta yachakunëkipaqqa, Jehoväpa testïgunkunawan Bibliapita yachakunëkipaqmi niriyaq.