29 de julio a 4 de agosto
SALMO 69
Canto 13 y oración | Callari shimiguna (1 min.)
1. Salmo capítulo 69-biga Jesusbu causaibi ima tucuna gashcadami ña huillarca
(10 mins.)
Jesusdaga deganami gentegunaga fiñanajurca (Sl 69:4; Jn 15:24, 25; w11-S 15/8 11 párr. 17).
Jesusbuga Diosda sirvinami importante garca, chaimundami Diosbu huasida respetarca (Sl 69:9; Jn 2:13-17; w10-S 15/12 8 párrs. 7, 8).
Jesusga ashcadami sufrirca, jipaga jaya yacuhun tsagrushca vinodami ubiyachisha ninajurca (Sl 69:20, 21; Mt 27:34; Lu 22:44; Jn 19:34; g95-S 22/10 31 párr. 4; it-2-S 669).
CAIBI YUYAI: Mesiasmunda parrlaj profeciagunada Jehová Diosga, ¿imamundadi Escrituras Hebreasbi escribichish saquirca?
2. Bibliabi tiyaj valishca consejogunada mascashunchi
(10 mins.)
-
Sl 69:30, 31. Cai versogunaga, ¿imashinadi ñucunchi oraciongunada alli rrurrallun ayudan? (w99-S 15/1 18 párr. 11).
-
Cai semana Bibliada liyishaga, ¿ima valishca yuyaigunadadi tarishcangui?
3. Bibliada liyishunchi
(4 mins.) Sl 69:1-25 (th-S lección 2).
4. Paciencia: Jesusga caidami rrurrarca
(7 mins.) Tapuigunada rrurrash yachachi. VIDEODA churai y jipaga lmd lección 8 puntos 1, 2-da rricuichi.
5. Paciencia: Jesusbu ejemploda cati
(8 mins.) Tapuigunada rrurrash yachachi, lmd lección 8 puntos 3-5 y “Ashtaun” nishca partedash rricuichi.
Canto 134
6. Congregacionmunda parrlashunchi
(5 mins.)
7. Familiaun Diosda adorana tutabi caida rrurrai
(10 mins.) Tapuigunada rrurrash yachachi.
Enero de 2009 huatabiga, Estudio de Libro de Congregación, Escuela del Ministerio Teocrático y la Reunión de Servicio nishca tandanajuigunadaga semanabi solo shuj funchabi rrurrallunmi decidinajurca. Chaida rrurrashcamundami familiagunaga paigunalladi semanabi shuj vuelta Jehová Diosda adorangabu tiempoda charinajurca. Shina Taita Diosda tandalla adorashcamunda ashcagunaga ashcadami agradicinajurca (Dt 6:6, 7).
Can taita gashaga, familia ucubi Diosda adorana tutabi, cai consejogunami ayudai pudin:
-
Cada semana rrurrai. Caida fajtachingabu, semanabi ima funcha, ima hora rrurrana gashcada anotai, agllashca funcha na rrurrai pudishaga cutishuj funchami rrurrai pudingui.
-
Chai tuta estudiana temamunda prepararichi. Canbu huarmi ima yachanada ministishcada tapui, shinalladi huaquinbiga canbu huahuagunadami tapui pudingui. Canbu familia cada semana lo mismoda rrurranada munajpiga prepararingabuga na ashca tiempoda ocupanallu gangui.
-
Canbu familia ima ministishcamunda yachangui. Huahuaguna huiñash catishaga diferente temagunamundami yachanada ministin, yachajushca temaga espiritualmente ñaupujmun catillunmi, cada unoda ayudana gan. Ama colerash, juyaiun yachachi.
-
Huaquinbiga campobi o munashca lugarbimi estudiai pudinguichi. Shinalladi, samasha nishaga samanalla pudinguichi. Chai horas familiabu problemagunamundami parrlai pudishash, na rrimana o castiganallu gangui.
-
Diferente cosasgunada rrurraichi. Por ejemplo, chai funchalladimi tandanajuibu o predicacionbu preparari pudinguichi, shinalladi jw.org paginamunda shuj videoda rricush chaimunda parrlai pudinguichi. O cada unomi cangunabu estudio personalda rrurrai pudinguichi.
Cashna tapui:
-
Familiaun Diosda adorana tutabi cai consejogunadaga, ¿imashinadi fajtachishcangui?
8. Tucuigunaun Bibliada estudiashunchi
(30 mins.) bt-S cap. 13 párrs 8-16 y recuadro de la pág. 105.
