7-13 de octubre
SALMOS 92-95
Canto 84 y oración | Callari shimiguna (1 min.)
1. Jehová Diosda sirvinami contento causallun ayudan
(10 mins.)
Jehová Dioslladami adorana ganchi (Sl 92:1, 4; w18.04-S 26 párr. 5).
Paiga paida sirvijguna alli decisiongunada japish contento causallunmi ayudan (Sl 92:5; w18.11-S 20 párr. 8).
Paibu sirvijguna mayoryajpishmi ashcada valoran (Sl 92:12-15; w20.01-S 19 párr. 18).
CAIBI YUYAI: “Jehová Diosmun mingarish bautizarillunga, ¿imadi jarcan?”.
2. Bibliabi tiyaj valishca consejogunada mascashunchi
(10 mins.)
-
Sl 92:5. Cai textobi nishca shimigunaga, ¿imashinadi Jehová Dios yachaisapa gashcada rricuchin? (cl-S 176 párr. 18).
-
Cai semana Bibliada liyishaga, ¿ima valishca yuyaigunadadi tarishcangui?
3. Bibliada liyishunchi
(4 mins.) Sl 94:1-23 (th lección 5).
4. Parrlash callari
(4 mins.) MAIBI GAJUSHASH PREDICASHUNCHI. Shuj personaun parrlajush can Bibliamunda imashina yachachij gashcada parrlai (lmd lección 5 punto 3).
5. Revisitagunada rrurrai
(3 mins.) MAIBI GAJUSHASH PREDICASHUNCHI. Sarun tiempobi testigo de Jehovagunaun Bibliada na estudiasha nij personamun, cutindi Bibliamunda yachachisha nish huillai (lmd lección 8 punto 4).
6. Jesusda catijguna tucullun ayudashunchi
(5 mins.) Bibliada quiquiun estudiaj empeñoda na churajpish paiun parrlai (lmd lección 12 punto 5).
Canto 5
7. Jovengunash ashcada preocuparishcamundami sufrin
(15 mins.) Tapuigunada rrurrash yachachi.
Diosda sirvijgunash preocuparinamundaga na libresllu ganchi. Por ejemplo, Davidga paibu causaibiga ashca preocupaciongunadami charirca, y cunun funchagunabish ashca huauquipanigunami preocuparish causanajun (Sl 13:2; 139:23). Jovengunash shinalladimi llaquinaida causanajun. Chaimunda escuelamun rrina o tandanajuimun rrinaga shuj jatun problema shina rricuri pudin. Huaquinbiga demas manchaida charishcamundami hasta huañuna yuyaida charin.
Joven, demas preocupado sintirishcamunda llaquilla gashaga canbu taitamamaun o espiritualmente shinchi gaj huauquipanigunaun parrlai. Y Jehová Dios ayudallun mañanadaga ama cungarillu (Flp 4:6). Paiga siempremi canda cuidanga (Sl 94:17-19; Is 41:10). Steing huauquibu ejemploda rricui.
VIDEODA churai Jehová se interesa por mí. Jipaga cai tapuigunada rrurrai:
• ¿Steing shuti huauquidaga Bibliabu majin textodi ayudarca, imamunda?
• ¿Jehová Diosga imashinadi paida cuidarca?
Taitamamaguna, cangunabu huahuaguna ama demas preocuparillunmi ayudai pudinguichi. Pacienciaun uyaichi, paigunada juyashcada parrlash rricuchi, shinalladi Jehová Dios paigunada juyashcada huillash, paibi confiallun ayudaichi (Tit 2:4; Snt 1:19). Yuyari, Jehová Diosmi canguna ministishca fuerzas y consueloda cui pudin, shinaga paibi confiaichi.
¿Canbu congregacionbi preocupacionmunda sufrij huauquipaniguna tiyanllu? Tal vez tiyanmi, pero na yachashcanguillu. A lo mejor piguna shina sufrijujtaga rrijsinchimi, pero paiguna imashina sintirijujta intindinaga dificilmi gan. Shinabish caidami rrurrai pudinchi: tucuigunada juyaiun tratash, alli sintirillun ayudashunchi (Pr 12:25; Heb 10:24).
8. Tucuigunaun Bibliada estudiashunchi
(30 mins.) bt-S cap. 16 párrs. 6-9 y recuadro de la pág. 132.
