PARTE 4
Diabloda uyashcamundaga ¿imadi tucurca?
Taita Diosda na cazushcamundami Adán y Evaga huañurca (Génesis 3:6, 23).
Evaga culebrada cazushmi prohibishca yuramunda ama micullun nishca frutada micurca. Jipami, Adanmun chai frutada carajpiga paibish micurcami.
Chaida rrurranaga malo shuj pecadomi garca. Chaimundami, Taita Diosga Adán y Evada jardín de Edenmunda llujshichish cacharca.
Paigunabu, huahuagunabu causaiga shinchimi tucurca. Jipamunga mayor tucushmi huañurcaguna. Huañushaga ni jahua cielomun ni ucu pachamun na rrircagunallu. Chaibimi tucurirca.
Génesis 3:19).
Huañushcagunaga allpami tucun, chaimunda nimada na rrurrai pudinllu (Tucuigunami Adán y Evabu huahuaguna ganchi. Chaimundami ñucunchigunash huañunchi. Huañushcagunaga na rricujun, na uyajun, nimada na rrurrai pudinllu (Eclesiastés 9:5, 10).
Jehová Diosga genteguna huañullunga na munarcallu. Chaimunda, ñallami huañushcagunada causachinga. Cazushaga para siempremi cai allpabi causashun.